مساعدكم يا جميلات الدلكة السودانية بالفواكة/معدل

مرحبا

سجلت بالمنتدى لاني واثقه بتجاربكم ، :pinklove:

ابحث عن توحيد لون البشرة

جربت اسوي دلكه مغربيه . والبنت اللي قالت لي عليها تقول استخدميها شهر مره كل اسبوع بعدين كل مناسبه استخدميها ! المقصود انها بهالشهر توحد اللون طبعا انا استخدمتها كل اسبوع لمده 5 شهور !!! ويالله بينت النتيجه فتحت اكواعي وركبي شي بسسسسسسسسسيط !
واستخدمت كريم افالون البرتقالي ولما تركته رجع سود المكان !!!
وصرت استخدم صابونه البابايا 4في1 لجسمي كل ما اتسبح :frown: وخلصت !
وصرت استخدم صابون مغربي والصابونه اللي معه " طاووس"
وجربت للمنطقه الحساسه احط عليها ملح البابايا اللي هو نفس ملح الحليب واحرقني بصراحه ! ولا كملت ماعرف ابي طريقه طبيعيه افضل :frown:

وقبل فتره طلبت كريم سحر الانوثه ! وهي بالوصف تقول من اول استخدام يبين معك مويه سودا ومن هالكلام
صراحه جربته عادي جدا ولا نزل مويه سودا ولا جلد ميت يمكن لاني من قبل اتنظف ! يبي له وحده ماقد جربت التنظيف !
وحسيت مكوناته عاديه كم صابونه ومعاها ملح البابايا واتوقع مويه ورد يعني جربته مره وخفت ! لما شفت حلقه داوود الشريان !
في احد جربه ؟ اكمل عليه والا لا ؟
مع ذلك لم يتوحد اللون بالشكل المطلوب ! :frown:

الدلكه السودانيه بالفواكه وش رايكم فيها ؟؟ اجيب لي سودانيه تسويها لي ؟ وكل كم اخليها تجي !!


ياليت تساعدوني محتاااااره كثير وانا توني صغيره ف لاتحرموني من تجاربكم :frown: