مساعده(الملكه)

وعليكم السلام ورحمة الله وبركاته

أولا أنا ماني من الشرقية ولا الرياض بس من جدة
وأبشرح لك من واقع ماأشوف والحمد لله العادات ماتختلف
كثير عنكم كلها نفس العادات تقريبا ...

طبعا الملكة في بيت العروس أو حسب مايحددون أهل العروس يعني ممكن
تحجز استراحة أو قاعة أو غيره ...

وبيحضرها أهل العروس وخالاتها وعماتها وممكن تصير حفلة كبيرة
وماتقتصر على الأقارب فقط يعني فيها عزومة ...

يعني لابد تروحون أهل العريس كاملين ... خواته وأمه على الأقل مع العريس
وطبعا لابد يكشخ ولابد يلبس بشت ...

ولو رحتوا أهل العريس ممكن تأخذون هدية للعروس مع إنه مو ضروري
لكن الضروري دبل العريس والعروس وإذا بيقدم العريس هدية عطور
أو غيره للعروس جيبوها معاكم

بالنسبة للمهر على حسب كل عائلة واتفاقهم بس احنا عادة يقدمون
نسبة من المهر مثلا 10 آلاف قبل الملكة أو عشرين أو ثلاثين
على حسب المهر والباقي يسلمونه بعد الملكة أو في الملكة ...

تقريبا هذي أهم الأشياء ولا تنسين تكشخين تراها حفلة خطوبة أخوك
وإذا ممكن أمك تكلم أم العروس أو أبوك يكلم أبوها ويتفقون على الأشياء
الثانية وممكن تستفسرين من أقاربكم عن حفلات الملكة إذا تبين كل شئ تمام

والله يجعلها زوجة صالحة ويرزقه منها الذرية الصالحة يارب
وييسر لكم أموركم في أفراحكم ...

إن شاء الله أفدتك
تقبلي تحياتي

مشكوره حبيبتي اللؤلوه فعلا فادني كلامك كثير
الله يوفقك ويرزقك كل ماتتمني

يابنااات وين الباقين بليز ساعدوني

طيب هديه العروس احنا مجهزين مثل ماقلتي مجموعه عطور بس مين اللي راح يقدمها
يعني تكون معنا واحنا داخلين او مثلا العريس هو يقدمها لها

والشبكه كيف تقدم بعلبتها او فيه حركات حلوه خاصه بالشبكه


يابنات وينكم

ليه يابنات ماهقيتها منكم

وعليكم السلام ورحمة الله وبركاته,,,
مين يروح مع العريس..هل يروح لوحده او معه امه وخواته؟؟
اولا على حسب اهل العروس وكيفية الملكه عندهم بمعنى اذا هم اتصلوا عليكم وقالوا تعالوا انتم في هذا الوقت تروحون او انكم انتم تتصلون عليهم وتسالونهم هل الملكه كبيره او مقتصره على الرجال فقط وبعد كذا تحددون من اللي يروح ..
هل يكشخ العريس يعني يلبس البشت او مايحتاج هي مجرد ملكه؟؟
الصراحه ما ادري بس اللي اعرف من قرايبي في الملكه مايلبسون بشت الا اذا كان بيصور معها وبيلبسها الشبكه اذا كانت في نفس اليوم ..
انا وامي لو رحنا وش نأخذ معنا؟؟
انتي تقولين انك شاريه لهم مجموعة عطور خلاص غلفيها تغليفه محترمه وقدميها لهم في اول دخلتك مع باااقة ورد
المهر متى نوديه لهم قبل الملكه والا بوقتها والا بعد؟؟
المهر يتحدد على حسب موعد الزواج ان كانت الملكه قبل الزواج بفتره مثلا ست شهوريعطى المهر معها اما ان كانت قبله بشهر بشهرين فلااااا لازم تعطونها ايها قبل عشان تاخذ راحتها في ترتيب نفسها

الشبكه كيف نقدر نقدمها وبأي شكل؟؟؟
المعتاد عندنا ان الشبكه لها يوم والملكه لها يوم طبعا بعد ماتملكون وتخلصون ويجي بعد باسبوع او اسبوعين تروحين انتي وامك وخالاتك وعكاتك وجداتك والمعرس لاهل العروس اللي انتم محددين معهم اليوم وتاخذون الشبكه وقبل تودينها لمحل تغليف هدايا وتحطينها بشكل حلو وفخم يليق بالمعرس واهله مثلا في عربه مليانه ورد وتحطين الطقم في صندوق على العربه وحوله الورد والتل بيطلع شكله خيااال بس على حسب المحل وبعد ماتجون وتتقهوون يقوم المعرس الله يسلمه ويلبس عروسته دبلتها والطقم وموشرط يلبسها كل القطع لانه بيكون مرتبك فيالله يالله يلبسها الخاتم والعقد والساعه,,

واذا كنت انتي والا امك بتهدون العروسه شي وانا اتوقع انه لازم تهدونهاغلفيها برضوا وقدموها لها وحطوا عليها اسمكم وفي كيس فخم وبسسسسسس ..

هلا جوري ,,

احنا ملكتنا عاديه مافيها اي تكلف ..

والملكة في بيت العروس .. ومايحضرها من طرف المعرس الا هو وابوه وجده وعمانه وخواله هذولي بس الرجال ,,
أما من طرف العروس ممكن بس أهل البيت وخوال البنت وأعمامها الرجال بس ..
يعني الملكة يحضرونها الرجال في الاغلب .. وممكن تحضر عمة أو خاله العروس اذا كانت قريبة لهم مرررة

يعني ماهيب ذيك الحفلة الكبيرة ..

والمهر يقدم قبل الملكة باسبوع او اسبوعين ..

أما الشبكة هذي لها عزيمة خاصه .. وفيها يحضرون الحريم الخالات والعمات والجدات من الطرفين .. والخالات والعمات بدون بناتهم ..

وفيها تقدم الشبكة ويلبس المعرس العروس الشبكة .. وفيها بعد تقدم الهدايا اللي من اللي حضروا والقريبين ..

هذا اللي عندي .. وانا من أهل الرياض ..

وبالنسبة للبشت في الملكة .. فيه ناس يلبسون وناس لأ .. أما الشبكة يلبس فبها بشت ..