.. مساعدهـ من معلمات الروضه او الصفوف المبكرهـ ..

(( ملاحظهـ : انا داخله باسم اختي :) ))

//

السلام عليكمـ ..

انا ادرس في روضهـ .. وهالروضه في دار لتحفيظ القران ..

مشكلتين اتوقع انهم اكبر مشكلتين رغم حماسي من اول لشغل زي كذا ..

الا اني في كل مره احس بخيبهـ .. كنت ابي الشغله على اساس وناسهـ والقى شي يشغلني

وحماس مع الاطفال ونسوي اعمال وحركاتـ ..

لكن في كل مره اروح وانا ماصدق متى ارجع البيتـ ..

اول عقبهـ .. انو معاي بنت ثانيه انا وياها ندرسهمـ ..

ثاني شيـ .. الاطفال مو كلهم بنفس العمر واصلاً بعضهم حتى مو في سن روضهـ ..

فاحس ماعرف اتعامل معهم (( احياناً )) .!

واحس حتى لو ابي اسوي شي او افهمهم شي ماراح يفهمون (( بعضهم عمرهم 3 س )) .!

هذي اكبر مشكلتين ..

ثاني شي وقت فسحة الاطفال يسبق الامهات ودايم نقولهم عطوهم فلوسهم ولا احد يجينا الفصل

من الامهات الا انو لا حياة لمن تنادي فيصر حووسه هذا يبيكي وهذا مدري ايش .!

وانا انقهر ماحب الحوسه احب كلشي بنظام ..

احس مره متضايقهـ .. انا تقريبا صارلي سنه ونص معهمـ ..

ابي اشوف اثر ابي استانس بالشغل .. وهم بعد ابيهم يستانسون ابيهم يحبون الروضهـ ..

انا مالومهم اذا اقعدوا زهقانين ولا يبكون .. لاني انا بكبري ازهق ولكن ماعرف ايش اسوي لهم .!

ومشكلتي اني ماعرف احد يشاركني بالشغل يعني اذا ما كانت صديقتي هذي معاي احسني اكون احسن بواجد .!

بعدين انا وياها مهما حاولنا نتفق الا اننا دايم نختلف ما نكر جهودها لكن انا اخذ الشغله بجد

مو زي ما انو الاداره تبينا بس نمسك الاطفال لين امهاتهم يخلصونـ .!

ابي احس ان لي دور مو كاني حاضنهـ .!

عموماً ..

طولت عليكمـ .. وكانكم تقولون الزبدهـ عطينا ..

احنا تقريبا دوامنا ساعتين .. وعندنا منهج ابنزلكم بعض الدروس منهـ ..

ابيكم تعطوني طريقه شلون اصير اشرح لهمـ ..واراجع معهم اللي فات ..

وايش النشاطات اللي ممكن نسويها .. ابي الوقت يمضي وحنا مستانسين ..

شلون اتعامل معهم رغم اختلاف السن بينهم وكثرة عددهم وعدم مناسبة سنهم ..

ابي ازين الفصل قولولي وشلون ((بحاول اصوره لكمـ )).. وابيهم هم يشاركوني في تزيينه ..

ابيكم تقولون لي كيف اشجعهم تعطوني افكار للوحات تشجيعيهـ .. يعني اشياء زي كذا ..

يعني ابي اي احد فيكم عنده خبره في تدريس الروضه او الصفوف المبكره يعطيني من خبرتهـ ..

(( أرجو الرد عاجلاً :) ))

وجزاكم الله خير ..