مساعده

نظفي بطريقة صحيحه . وحافظي على نظافة المكان
وقبل ما تنظفين افرزي اغراضك
اجمعي كل الملابس الي عندك من الى .. ملابس جميع العائلة و سوي فرز .. الزين رجعيه لدولاب سفطيه او علقيه .. والزايد عن الحاجة تبرعي فيه للجمعيات الخيريه . دفع بلاء و فتح باب رزق لكم و دعوة محتاج وقضاء حاجة اخيك المسلم وفك كربته
نفس الشي مع المواعين . الالعاب . ادوات النظافه المناديل الصوابين فرش الاسنان . فرش الشعر
كل شي اجمعي كل صنف بالبيت مع بعض وافرزي
هذا للزباله وهذا للجمعيه وهذا يرجع للدولاب
.
يوم للفرز ( ملابس . مواعين . العاب . ادوات تنظيف . كتب و اوراق . ادوات تجميل و عناية ...الخ )
ويوم لتنظيف البيت
وبعده خلاص حافظي على نظافة البيت اول بأول

استعيني بالله قبل كل شي
ابدأي بالاهم فالاهم
مثلا ابدأي بالمطبخ يوم نظفي الثلاجه ومسحي الرخام وكملي باقي اعمالك اليوميه
اليوم الثاني دواليب المطبخ من الداخل والخارج وخذي وقتك حسب حجم مطبخك اليوم الثالث غسلي الارضيه
المطبخ حسب حجمه وكمية الاغراض قد تحتاجين اسبوع لتنظيفه عادي اذا انتهيتي حافظي على نظافته
بعدها انتقلي للصاله اسحبي الكنب واكنسي ومعك كيس كبير جمعي فيه القمامه بعدين نفضي الكنب واكنسي بالمكنسه الكهربائيه بعدين امسحي الارضيه وكذا خلصتي
الموضوع سهل بس اهم شي لاتضغطين على نفسك ولاتتركين الشغل يتراكم وكملي بقية الغرف
بالتوفيييق 🌷

بما أن الشغل متراكم فصعب تسويه في وقت واحد ..فيه طريقة حلوة يسمونها شغل الخمس دقائق ادخلي كل غرفة خمس دقائق وممكن تخليها عشر دقائق مو أكثر بس الشغل عالسريع حتى تصير الغرفة مقبولة يعني مو شغل عميق..بس شيلي المرمي عالارض ضبطي الفرش اكنسي زي كذا ..
بعدين ابدي خذي حاجة حاجة بشكل عميق..ابداي بالمطبخ عشان مايتراكم عليك اكثر ..
وهكذا مع شغلك الاعتيادي امسكي شغلة عميقة..ترتيب دواليب تمسيح البيت.. فرز ملابس وهكذا..استعيني ياالله وشغلي شي يعجبك اسمغيه واشتغلي..واذا سيطرت عالبيت لاتراكمين..ادأول بأول.