مساء الجوري المفعم بالحب:26:
جايبتلكم موضوع من كتاب مره احبه واستفدت منه بس بشرط ابغى تفاعل قوي معايه
ياللا بسم الله.....
كنت ام طيبه قبل مايكون عندي اولاد وكنت اقول ليش كل الاباء والامهات عندهم مشاكل مع اولادهم
الين سار عندي مشكلتين.:04::04:
وكل صبح اقول اليوم غير وألاقي امس احسن من اليوم وكل اخر اليوم اكون مررررررررررررهقه:09:
الين قريت الكتاب اللي يقول:
الربط المباشر بين شعور الاولاد وسلوكهم.
عندما يكون شعور الاولاد صحيحا يكون سلوكهم صحيح.
كيف تساعد الاولاد على الشعور الصحيح؟؟؟؟؟؟؟؟؟
ذلك بقبول مشاعرهم.
في كل مره احنا نرفض مشاعرهم ناخذ مثال:
قصي: انا تعبان.
انا: لامستحيل تكون تعبان توك قمت من النوم.
قصي (بصوت اعلى)ّ: انا تعبان
انا:لا انت موتعبان انت بس نعسان بسرعه البس
قصي يبكي:بس انا تعبان
قصي: ماما الجو حار.
انا: لا الجو بارد البس الجكيت.
قصي : انا حران.
انا:قلت الجو بارد البس الجكيت.
لاحظتو كنت في كل مره ارفض مشاعره وكنت في كل مره اطلب انهم ما يثقو بمدركاتهم ويعتمدو على مدركاتي فوضعت نفسي مكانهم فسرت اتعامل كالتالي:
حبيبي يعني انت مازلت تشعر بالتعب مع انك كنت نايم،او انا حاسه بالبرد بس انت حران.
حطي نفسك في وظيفه وكلفتك المديره بعمل تنهيه في اخرالدوام وانشغلتي في امورضروريه ثانيه وانت خارجه قابلتك المديره سالتك :خلصت العمل ؟؟؟؟؟؟؟ تحاولي تشرحي انك كنت مشغوله وماتعطيك فرصه وتقاطعك وتصرخ عليك : انا ماتفرق معايه اعذارك انت ايش تحسبي نفسك انا ادفعلك عشان تجلسي طول اليوم ؟؟؟؟؟ تفتحي فمك وتقولك وفري كلامك.وتخرج ..... ويتصنعو اللي حوليك انهم ماشافو شئ وانت تجمعي اغراضك وفي قمه الانزعاج تلاقي زميلتك وتقوليلها اللي سار وتجاوبك ب8 طرق:
1- رفض المشاعر:مافي سبب يخليكي تنزعجي لهذا الحد، اكيد كنت تعبانه وانت تضخمي الامور وتعطيها اكبر من حجمها ابتسمي حلوه عليكي الابتسامه.(اكتبي رده فعلك؟)
2- جواب فلسفي:الحياه هي كدا ماتسير الامور دايما زي مانبغى عليكي انك تاخذي الامور من غير تردد .(اكتبي رده فعلك؟)
3- النصيحه: روحي بكره واعتذري وانك غلطانه وانهي عملك اللي اهملتيه امس واذا كنت شاطره وتبغي الوظيفه لاتعيديه ثاني. .(اكتبي رده فعلك؟)
4- الاسئله: ايش الاشياء اللي شغلتك,ماكنت تعرفي انها عصبيه, سويتيها قبل كدا, ليش ماجريتي وراها وشرحتيلها .(اكتبي رده فعلك؟)
5- دفاع عن الشخص الاخر:اقدر افهم رده فعل مديرتك اكيد هي كانت تحت ضغط كبير انتي محظوظه هي ماتفقد اعصابهافي اغلب الاحيان.(اكتبي رده فعلك؟)
6- الشفقه:يالله مسكينه مره شئ يخوف انا مره حزنانه عليكي’ احس نفسي حأبكي.(اكتبي رده فعلك؟)
7- هاويه التحليل النفسي:ماخطر في بالك انو سبب انزعاجك الحقيقي هوانو المديره مثلت عند صوره الام في حياتك لما كنت تخافي انها تزعل منك فلما خاصمتك رجعتك لايام زمان.(اكتبي رده فعلك؟)
8- رد فعل التعاطف:يالله موقف مره صعب اكيد كانت تجربه قاسيه صعب انك تكوني في هذا الوضع وقدام الناس وخاصه بعد ضغط كبير في العمل , الله يعينك.(اكتبي رده فعلك؟)
آسفه على الاطاله واشوف ردات الفعل واكملكم بكره ان شاء الله:39:
لي عودة باذن الله