مساعده ضروري <<< راجعي الإعلان المثبت

اذا ممكن انا عندي شغاله اندونيسيه
مشكلتها بارده وبطيئة وماتعرف عربي اوبالاصح ماتبغى تتعلم ماتعرف للاطفال
مشتغله بالاردن من قبل ،،، سنتين مع ذلك شغلها تمشية حاااال
والله يالجديده اللي ماعمرها اشتغلت اطلق منها
لها عندي تقريبا 8شهوور وإلى الان نفس الكلام اليومي اكرره عليها
بصراحة تعبت انا موظفه وام لثلاث اطفال وبيتنا صغير ومايجينا ضيوف الا وين ووين
ومع ذلك ماتخلص شغلها الا بطلعة الروح الكوي تجلس عليه بالساعات واخرتها ماكنه انكوى
اماكن الاشيا للحين ماحفظتها ملابس العيال مثلا تلخبطها يعني ملابس الولد للبنت وبالعكس
وماتعرف تسوي شغلتين بوقت واحد تشوفونها بس تشتغل بس بالمطبخ بس ع قلة سنع يعني ماتنجز شغلها
لانها تسوي شغله وتخليها وتروح بدون ماتكملها وتدور شغله ثانيه ولا تكملها وترجع للاولى قد ماعلمتها وفهمتها باللين احيان وبالشده مافيه فايده احيان ماترد تمشي وتطنش امسكها واعلمها باسما الاشيا تتنح ماترد غير اكرر عليها. اكثر من مره او اهاوشها تعبت من جد معها الاطفال مو شي معاهم ولا تدري عنهم اللهم الرضيعه بس شايلتها خربت البنت صارت ماتبي الا الشيل مع اني نبهتها اجي من الدوام اغلب الوقت وبنتي مفلوقه وكل اعذارها ماشفت بس اي شي اقوله ترد علي بها الكلمه مع اني قايله لها عادي تكلمي بالاردني وانا افهم بس ولا شي وياما كسرت اشياء
معقوله ياناس مشتغله سنتين بالاردن ولا تعرف تسوي شي اخر ابداعاتها تقولي بالاردن مدام تكوي ملابس انا لا بعدين قالت اصلا هناك مافيه كوي بس غسيل وخلاص بالله ياناس ؛ والسرير مانحط له مفررش والله يااشيا ترفع الضغط
بالله كيف اتصرف معها هذي
حاولت ابدلها بس تعرفون مافيه من نفس الجنسيه وانا مااقدر استغني عنها الا ببديله وبصراحه تعبت من برودها وقلة سنعها والله حتى الطبخ اجي من دوامي اطبخ وهي طبعا لسى ماخلصت شغل البيت واذا صار اي شي حطته براس العيال
شوروا علي كيف اتصرف معها