مساعده عاجله في الصبغ

السلام عليكم أنا مشتركه جديده ومعجبه مره مره بمنتداكم وأفكاركم الحلوه وتعاونكم واتمنى منكمالمساعده العاجله جدا جدا
أولا: عندي قسم الرجال أول ماتدخلين من البوابه فيه موزع تقريبا 4,5×2,5والمجلس مفتوح عليه بدرجتين على فوق والفتحه من زاوية المجلس ومقاسه5×5 وفيه حمام الله يكرمكم لونه كريمي وحزامه أغمق شويه وبجانبه مغسله 1,40×1,40 لسع مابلطتها محتاره في اللون
المجلس جرانيت لماع بيج مع خفيف وردي وفيه حزام أسود مع عسلي مع نفس الجرانيت والدرجتين رخام لوركا (لونه على العسلي تقريبا اذا ماني غلطانه في الوصف)
الحين محتاره في الصبغ وفي جدار المغسله اللي ناويه أحطها حديد مجلفن والا اش رايكم:29:
عجبتني فكرة صبغ الجدار المواجه للمدخل معتق وباقي الجدران عاديه بس ,بالنسبه للمجلس باحطه انشاءالله كنب قطع ,والجدار فيه 2 ابليكات أنا مفكره أحط عليها براويز جبس وبينهم برواز ,وزوجي مخطط يصبغ الجدار كله معتق وأنا قريت فكرة انه نص الجدار معتع ونصه عادي بس محتاره المعتق يكون فوق والا تحت كمان عندي الجبس درجه وحده وفيه نجمه في النص وحابه أصبغه
أنا محتاره الحين في الألوان أحيانا أفكر في درجات البرتقلي على بني(من كثر الألوان ضيعت أسماءها)نسيت أقلكم ان المجلس مفصول عن الموزع بجبس معليش طولت عليكم بس قلت أقلكم كل شي من البدايه لأني مستعجله والله يعطيكم العافيه

ترى بقي ما خلصت

ثانيا:مجاس النساء برضه لمن تدخلين من المدخل فيه الموزع 4×2 وعن يمينك المجلس وعن يساررك الحمام والمغسله ,المجلس مفتوح بقوس واللي في نص المجلس تكون المغسله في وجهه1,30×1.30 اللي باحطها ان شاء الله بيج مطفي وفيها حزام أخخر وعلى المرايه حجر أخضر على شكل شمس متخيلين معايه واللي في الشرقيه يشوفونه عند نجم أباحسين ,الأرضياات زي مجلس الرجال بس الحزام فيه أخضر وعسلي ,أنا خاطري في الصبغ اللي على شكل حجر مره رهيب قصدي أحطه حوالين القوس اللي بين المجلس والموزع و أحطه في أركان المجلس اللي مقاسه4×5 ويكون أخضر وايش رايم ولو شجعتوني واش احط باقي الجداروالسقف كمان
نسيت اني ابغى حطه كنب داير مايدور علشان يشيل ,كمان اشرايكم في فكرة الحجر في الزوايا اش يناسبها أثاث بعدين؟

معليش طولت عليكم لكن مافيه غيركم بيساعدني
ثالثا وأخيراعلشان تتطمنون انه مافيه شي ثاني اليوم :المقلط 4×5 وبكون جلسه أرضيه وتلفزيون اش رايكم في الحجر في الزوايا (هذي الحركه داخله مزاجي مره)والمقلط بين المجلسين وله بابين متواجهين













ارجوا الرد بسرعه وجزاكم الله ألف خير :27: