حبيبتي انصحك بغساله ال جي بالبخار غساله ونشافه مع بعض انا اخدت اللي غسيل 15 كيلو تنشيف 8 كيلو
بس دا الموديل نادر تلاقيه لانو مخلص والشركه دي السنه جابت 12 كيلو غسيل 8 كيلوب تنشيف
هيا غساله ونشافه مع بعض
الحمدلله انا مرتاحهوجدا معاها
انا ماعندي شغاله وعلى قولك تستني لابوم عشان تنشف الملابس وممكن بلايومين في الجو البارد وممكن يعفن الغسيل عبال ينشف لكن مع الغساله دي ارتحت صار ممكن تغسلي الملابس كلها في يوم واحد واغلبها من الغساله على الدولاب وبعضها يبغالها كوي
ان شاء الله اكون افدتك
وسعرها 6800 ريال صح سعرها غالي بس فيها مميزات رائعه
لانها تغسل بالبخار وفيها ميزه غسيل صحي عشان تقتل الحشرات والعته اللي في الملابس وفيها غسيل يدوي للملابس الصوفيه والرقيقه وفيها غسيل قطو وغسيل لحاف وفيهل برنامج مره حلو اذا كنت خرجتي ولبسك نضيف لكن بس مسك ريحه او اللبس لو فتره مخزن في الدولاب وسار في ريحةالتخزين تحطي في برنامج انعاش بس يهويلك الملابس بالبخار لمدة تلت ساعه
الصراحه سعرها يستاهلها
وفيها برنامج لغسيل الغساله عشان تنظف
برامجها كتير وحلوه وتقدري تختاري حرارة المويه والتنشيف وقتو او قوتو اواذا تبغي تكويها يقوم يطلعلك هي شوي رطبه عشان على طول تكويها
وانصحك كمان بشي تاني اشتريتو مكوة براون رائعه اللي تجي معاها قطعه تركبيها على المكوى لمن تبغي تكوي اشياء غامقه و وقماش تخافي عليه لا يطبع بدل ماتقلبي اللبس او تحطي فوقو شرشف وهي بالبخار رائعه والله تكوي بسرعه وبمجهود اقل ورائعه وسعرها تقريبا 240 ريال
حبيبتي انصحك بغساله ال جي بالبخار غساله ونشافه مع بعض انا اخدت اللي غسيل 15 كيلو تنشيف 8 كيلو
بس...
يعني تقريبا الغسيل ياخد من ساع ونص الى ساعتين وشويه والتنشيف اكتر شي ساعتين ونص
يعني غسيل وتنشيف تقريبا من تلات ساعات ونص الى خمسه ساعات الا
صح ممكن تقولي وقت طويل بس انتي لمن تغسلي في غساله اتوماتيك عادي مافيها تنشيف حتضري تغسلي ساعه وتنشري ربع ساعه وتستني من يوم الى يومين عشان ينشف الغسيل وترجعي تلمي الغسيل ربع ساعه اخد الموضوع يومين وانتي اللي تتعبي لكن كده الغساله اللي تتعب وانتي مرتاحه وغير مافي نقل غسيل من غساله لنشافه كل اللي عليكي حطي الغسيل واضغطي الازارير واستمتعي بالهدوء وبعد ماينتهي الوقت شيلي الغسيل ونصو على الدواليب على طول وشويه ينكوي
ان شاء الله اكون افدتك واي سؤال انا في الخدمه
وترا انا مابسويلها دعايه بس انا جبتها من شهر وجربتها وحسيت بروعتها وانا ماعندي شغاله وغسالتي اللي قبلها كانت سامسونج اوتوماتيك عندي 10 سنين الحمدلله كنت مرتاحه ومبسوطه عليها بس بعد ماجبت هادي عرفت ايش معنى الراحه والنضافه الحقيقيه والريحه الحلوه في الملابس انا باستخدم صابون برسيل روعه وينظف كويس وداوني المركز ريحة الملابس تجنن حسيت اني في الدعايات كل ماافتح دولابي اشم الرائحه الجميله هههههههههه