احتاج صور لكل ما هو مذكور في الموضوع
جزاكن الله خيراً

هذي فكره حلوه بس يبغالها شوية شغل ..
لكن النتيجه صدقيني مبهره وأكثرمن رائعه ..
وراح تكون الجلسه محل اعجاب جميع الزوار ..
اختاري جدار من جدران الغرفه ..وليكن الأفضل الجدار المواجه للباب او للمدخل ..
حتى يعطي اتساع أكثر للغرفه ..

سيتم ركز خيمه صغيره على هذا الجدار ..
الخيمه راح يكون لها وظيفه ديكوريه ..بمعنى انها ماتكون خيمه كامله ..لا..تكون بطول الجدار
وبعمق بسيط لايتعدى المتر والنصف الى مترين (لصغر مساحة الغرفه عندك)
اما الارتفاع فحتى يصل الوتد الاوسط للسقف ..
وبهذا تكون خيمه من ثلاث جهات ..جهه خلفيه لاصقه بالجدار ..وجهتين يمين وشمال لاصقين بالجدار تقريبا ..وبهذا الشكل تكون زي خيام البدو الاصليه مش الجديده اللي نشوفها هالايام ..
الخيمه تزين بمساند وجلسات سدو أحمر بأبيض وداخل عليها شوي أسود ..وتقريبا أربع قطع زل صوف تراثي مستطيل الشكل وطبعا المراكي التراثيه المعروفه ..
ترتب على طول جهات الخيمه ..
في الزاويه اليسرى مثلا ضعي عدة القهوه .. مثلا ثلاث دلال ومحمسة القهوه وخوصة التمر
والاقط ..وشوي سمر ومنفاخ للشبه وملقاط الجمر..رتبيها ترتيب بحيث يكون السمر او الغضى بالوسط والباقي على جوانبه ..

ممكن بوسط الخيمه طاوله مستطيله سوداء صغيره مرصعه بقموره ذهبيه ..
ونزلي من اعلى الخيمه سراجين عن اليمين واليسار موصلين بالكهرب ومثبتين في أعلى الخيمه بواسطة فتحه فيها ..
راح يبقى من الغرفه حدود مترين ونصف الى مترين ..
كمليها مساند ..

وزيني الجدران اليمين واليسار بخناجر مع قطع زل مهدبه صغيره ..
وراح تطلع رائعه جدا ..
لأنها مطبقه عندنا بس المساحه أكبر شوي ..

اهاااااااا ماشاء الله البنات ماقصرو ....بس قبل كل خطوة لازم تقررين إذا كانت مكان جلوسكم وقعدتكم وقهوتكم لازم تكون عمليه اكثر ...

إذا كانتم تبنون بيت جديد فهذا أحسن لان الغرفة يبدا تأسيسها صح ...

راح اتكلم عن غرفة مبنيه ..ومصبوغه

الحائط :
مثل ماقالو الاخوات الصبغ فكرة جيدة ....

وفيه فكرة أحلى وهي الطين ...ويوجد عند دهانات الجزيرة ..يسمونه مشاشكو <<<<< ترى يمكن اسمه كذا لاني نسيت اسمه ...طيب بعد ماتحطين الطين الأطفال تعرفينه راح يحكونه لك

فلك خيارين ...أما أن تضعي عليه الورنيش ..أو تصبغ النصف العلوي أكثر من الوسط فوق والي تحت يسونه لك بالجبس ...وترى هذا حلوةةةةةةة مرة بس دوري لك واحد يعرف يشتغل كذا

حطي بالجس ...رفووف ووفي الزاوية العليا ضعي شكل مثلث له بروز يعني رف

فكرة اخرى غير الطين والصبغ ..: وهي المعجون تسوين به الشكل الي تبين ثم يعتق <<<<< افضل هذا لانه فخم مرة ويودي الغرض ..

المساند : مثل ماقلو هناك السدو وهناك يوجد النقش القديم الاحمر والابيض كانك تعرفينها الي اول كانو يحشونها تبن ...النقشه هذي موجودة وفيه الوان اخرى ..

حطي قطعة سجادة
التأثيث : يتوقف على ذوقك ... هناك الصناديق ..و الاشياء الخوص واكيد تعرفين اشياء كثيرة قديمه ...

بالنسبة للبيالات والفناجيل طلعو صين وهي منقوشه مثل البرقات كانك تعرفينها الحمراء والخضراء والصفراء ...

صراحة فيه اشياء كثيرة ..بس لازم تاخذين فكرة عن الغرفة ...وغرفتك صغيرة ..وتبينها جلسة لازم تحطين الماساند مع جميع الجهات واستفيدي من الحائط لاتنسين الجرة ذيك ما أدري وش يسمونها بس هي عبارة عن قرعه فارغة مربوط فيها حبال وتعلق على الجدار تررررررره رهيبة ....

السقف ممكن تجبين لك حقين الجبس ويصلحون لك مرابيع ..هذي سهله إذا كان مافي سقف الغرفة جبس ....

شوفي أذا كنت في مرحلة البناء هناك ناس يسوون لك الغرفة من ألى يحطون شبابيك خشب أبواب خشب يحطون لك وجار يصلحون لك السقف ..ويحطون عمود في الوسط يعني كنك بجد في غرفة قديمه وأكثر مايشتغل هالشغلة الاخوة اليمنيه هنا عندنا في الرياض .

جزاك الله كل خير