مساعده في بوليصه الشحن الله يرحم والديكم

المشاريع والافكار التجارية الشاملة

السلام عليكم ورحمه الله وبركاته
اخواتي انا حابه افتح متجر الكتروني لكن اللي محبطني الشحن .في المدينه اللي انا فيها لايوجد زاجل فقط سمسا وارامكس واسعارهم غاليه وانا ماعندي سجل تجاري وصعبه اطلع لي سجل والبريد السعودي لايشحن كريمات وادويه يعني صعبين من هذه الناحيه وانا سمعت عن بوليصات الشحن المخفضه اللي تكون ب40 و45 ريال من وين اجيبها وهل هي تصلح اشحن فيها من اي مكان بالمملكه ولابس من نفس المدينه اللي صادره منها وتكفون اللي عنده خيره بموضوع بوليصات الشحن يخبرني من وين اجيبها واذ عندكم شخص يوفرها ارسلوا رقمه لي وجزاكم الله كل خير
4
3K

يلزم عليك تسجيل الدخول أولًا لكتابة تعليق.

تسجيل دخول

متجر إكسسواري
متجر إكسسواري
وعليكم السلام


هذا رقم اللي يبيع البوليصات :: 0500065375 من شركة سمسا وتنشحن من أي مكان وعن تجربة هي افضل شركة



وتقدرين بشكل رسمي تشرين من شركة سمسا


كليمهم عندهم باقات للتجارة الإلكترونيه


وبالتوفيق
ســديمـ
ســديمـ
وعليكم السلام
البوليصات تقدري تاخذيها من شركات الشحن تواصلي معهم
راح يعطونك معلومات اكثر عنها و بالتفصيل حسب اللي يناسبك


بالنسبة لشراء البوليصات الخاصة بشركة سمسا لو اشترتيها من غير سمسا وبدون عقد رسمي
من شركة سمسا لو اكتشفوا هالشي فراح يوقفون البوليصات و الشخص اللي باعك البوليصات
عليه غرامه ماليه لان الشركة من ضمن شروطها عدم بيع البوليصات


بالنسبة لارامكس ماعندي خلفيه عنها لكن بامكانك التواصل مع الشركة على ارقامهم
وراح ان شاء الله تحصلين الحل عندهم بس توكلي على الله


وخلي بدايتك صح لاتدخلي بمتاهات انتي بغناء عنها
sound
sound
ممكن تتعاملي مع مواقع تشحن عن طريقها مباشرة مثل هالموقع .
http://sa.strawberrynet.com/main.aspx

عندهم شحن مباشر للسعودية عادي وسريع.

الشحن العادي مجانا ويوصل من 10 الى 30 يوم .

السريع 4 الى 6 ايام وهو عندك
ريماز العتيبي
ريماز العتيبي
كل من جاوبني جزاكم الله خير وصب عليكم الخير والرزق صباصبا الله يسعدكم من وين ماوجهتوا وجيهكم ويجعل التوفيق والنجاح فالكم