مساعده في موضوع زوجي انا آهات

كيفكم شخباركم ي بنات وش مسيو

السلام عليكم ورحمة الله وبركاته يابنات

آسفه طولت بغيابي عليكم ي بنات بغيابي ابشركم قدرت اضبط نفسي وغيرتي وتغيرت صرت إيجابيه جداً ولا عاد أفكر في ضرتي ولا شي إلعب عليكم لو قلت ماطقيت خبر لزوجي صرت اشوف كنه ولدي الكبير والله ي بنات أدق عليه حزة الأكل اشوفه كلا ولا لا إذا جاء يومي مادري وش يجيني كأن الدنيا كله مسخرة لي ومن فرحتي فيه اتكشخ واطبخ أحسن أكل واسوي معجنات وكيك وكأني توني في أيام الملكه ولله الحمد زوجي من مميزاته مايدخل الأمور في بعض والأسباب ببعض مثل زعلان مني عادي إذا واجهه اختي أو أي أحد من أهلي جاينا ببتسامه وترحيب ة حركات زينه أمور شغله يخلصها في شغله وإنسان كتوم جداً جداً من أخذته وهو ماقد اشتكى من شي و رجل حديدي مايأثر فيه شي ولايهزه حاجه ما اشوف يبكي إلا إذا صلا الوتر وتذكر عذاب الله هنا يصير نائحه مستجيره ههههههه الي ابي اوصله يابنات من تزوج وخذ الثانيه لجأ يومي ينام على يدي ورأس عند صدري وإذا حطيت يدي بشعره قعد إلعب وحركات حنان كذا تنزل دموعه بس ماشوفها تنزل على يدي احسه برطوبته وحرارتها وإذا موب في يومي يجي عندي عشان يشوفنا أو شي زي كذا يروح يصرف العيال ويجيني ويقعد معي ينسدح في حظني تقولون كنه بزر عند أمه الي استنتجته أن في حاجه نفسيه في زوجي بس مو عارفه شنو وأبي أعرفها ابي اساعده ي بنات قلبي يتقطع عليه لجأ ينام عندي فيه زي الخوف نبضات قلبه تدق بسرعة ياليت تساعدوني الله يعطيكم العافية