السلام عليكم ورحمة الله وبركاته
اسال الله ان تكون هذه السنة سنة خير عليكم جميعاً موضوعي ابي فزعتكم يالامهات انا شاب سعودي عمري 27 سنة متوظف ومهندس وجالس اكمل الماجستير والحمد لله اموري مستقره قررت اتزوج وخطبت عدة مرات وماكتب الله نصيب الي تقول مقدر اسكن بالرياض واهلي بعرعر والي تقول حاجزها ولد عمها المهم اهلي ابوي مانعهم من الزيارات ومخالط الناس فالي حاصل اني اقول لمي شوفي لي بنت الحلال تقولي والله يا ولدي مافيه وش عرفني ومنين اجيب لك تبي فلانه صحيح مو حلوه بس مافيه الا هي يا يجبون لي وحده صغيره او وحده ابوها مهو صاحي وياتوافق يا انت دبر عمرك تراك تعبتنا حاطيني انا المشكله كل الي طالبه بنت ابوها وامها محترمين وافاضل وبنتهم تخاف الله ومتعلمه وشكلها مقبول يعني مو ملكة جمال تكون مقبوله كل ما قلت لهم كذا قالو رايح تفصل ثوب انت فا طفشت
ابوي يحدني على جماعتي وجماعتي عندهم طبع ان ما تشوف البنت الا بعد الملكه يعني سالفت الشوفه الشرعيه بعد الملكة فقط شي متعب ولا عمرهم بيغيرونه وجماعتي عنوز وخوالي شمر يعني امي ما تعرف الي من طرف ابوي ابد حاولت اخطب من برا من صاحبي واتضح ان عندهم مرض وراثي ومع ذلك اصريت قلت الي من الله حياه الله وبعد فتره رد علي وقالي محجوزه لولد عمها فا بصراحه تعبت امي تقول مافيه الا اكلم لك فلانه تدور لك وفلانه ذي بناتها يتحكمن فيها وكلهن ما يبن لي الخير وكل ما قلنا لها روحي لفلان وشوفي عنده بنات قالت مقدر عيب وتماطل لين تروح البنت الزبده اني تعبت خواتي ما يعرفن احد وامي ما تعرف والي يعرفونهم غير مناسبين وهم الي قالولي مهن مناسبات لك لاكن ذا الموجود وش السوات هل اخطب وزي ما تجي تجي ولا كيف القى حل ان اهلي يشوفون البنت قبل ما اخطبها
انا بس ابي اهلي يشوفونها وابوي عجول يبي يخطب وبس نطق الباب ونشوف ونخطب بنفس الوقت وامي تقول عيب ناس ما اعرفهم كيف اسير عليهم واقول وين بناتكم
بالله كيف الخطبه الصحيحه وايش الاليه....... من متى انا الي مفروض اجيب لهم البنت اتعبوني يقولون انت قل لنا ابي بنت فلان وحنا نروح اتعبوني والله . كل الي ودي فيه ان اهلي يوصفون لي البنت واخلاقها واقول على بركة الله لاكن شكل الموضوع ذا مراح يصير فا وش نصيحتكم لي ايش الحل واسف على الاطالة
م.العنزي @malaanzy
عضوة جديدة
يلزم عليك تسجيل الدخول أولًا لكتابة تعليق.
يا ضحكه شفاتي
•
تواصل مع خطابه
م.العنزي
•
تواصل مع خطابهتواصل مع خطابه
مدري من اي دوله انتي لاكن كاسعوديين وعيال قبايل ما عندنا موضوع الخطابه الا للي يعاني من مشكله يا ان سنه كبير ومحد راضي فيه فا يكلم خطابه وبنت الرجال عندنا ما تنزل cv حقها عند خطابه بحكم عادتنا وتقاليدنا فا ماهو حل بنسبه لنا وابدا ترى ما اقول ان الخطابه شي غلط بل حل لشريحة معينة في المجتمع وانا شاب توي صغير والبنت الي ابيها يتعرفون عليها اهلي ومحتاج طريقة معينه اما سالفت اني انا اجيب البنت لهم عن طريق خطابه مو حلوه لا في حقها ولا في حقي فا ما اعتقد انه حل مناسب شكرا لطرحك
-عذراً تستطيع البحث عن طريق المشايخ الأفاضل أو أمام مسجد ممن وجد عندكم، لوجه الله تعالىٰ الشيخ سعد الغامدي ٩٦٦٥٠٥٦٥٨٥٨٣+ رقم هاتفه أن شاء الله تعالىٰ يساعدك بإيجاد بنت الحلال علمت أنه يعلم من كذا دولة، ما لا عين رأته ولا اذن سمعته من أخلاقهن ممن تود الستر بطهر والله ولي التوفيق،
م.العنزي
•
-عذراً تستطيع البحث عن طريق المشايخ الأفاضل أو أمام مسجد ممن وجد عندكم، لوجه الله تعالىٰ الشيخ سعد الغامدي ٩٦٦٥٠٥٦٥٨٥٨٣+ رقم هاتفه أن شاء الله تعالىٰ يساعدك بإيجاد بنت الحلال علمت أنه يعلم من كذا دولة، ما لا عين رأته ولا اذن سمعته من أخلاقهن ممن تود الستر بطهر والله ولي التوفيق،-عذراً تستطيع البحث عن طريق المشايخ الأفاضل أو أمام مسجد ممن وجد عندكم، لوجه الله تعالىٰ الشيخ...
شكرا لردك ولاكن مستحيل اكلم شخص يبحث لي غير عن كذا كيف بخطب من ناس ما اعرفها هل فيهم مرض او برص او مشكله وراثيه لا سمح الله فا الي ابيه هو نصيحة للطريقة السليمه للخطبه للي وضعه مثل وضعي اهله ما يعرفون احد واكيد بخطب بنت سعودية بنت حموله يعني مراح احصل الي ادوره الا عن طريق طرق الباب اما سالفت خطابه او شيخ ماهي عندنا كيف امي تروح لناس ما تعرفهم وتشوف بنتهم وبعدها تقولي انها مناسبه ومن ثم اخطب لانها تقول لي عيب اسير على ناس ما اعرفهم واقول لهم وين بناتكم يارب تكون الصوره وضحت ما اقصد الاسائة لاي طريقة ولاكن الخطابه والشيخ شي مستحيل بنسبه لي
لازم تحضر امك زواجات وبكذا تشوف البنات وتشوف المناسبة ماعندكم جيران او بنت خال او خالة
اخواتك ماعندهم صديقات من ايام الدراسة
والله يوفقك يا رب
اخواتك ماعندهم صديقات من ايام الدراسة
والله يوفقك يا رب
الصفحة الأخيرة