مساعده للي لها خبره بالخادمات

للرفع

من امس ولا احد رد وليه يعني مااحد بيعطيني نصيحه

مشكوره الفناتير على الرفع الله يوفقك

هلا اختي بعيد رد كتبته لأخت من الاخوات

وان شاء الله بينفعك

شوفي اختي اذا بتدققي على الشغاله راح تلاقي عيوب الدنيا واساسيات التعامل مع الشغاله:

1_ الزوج مايتدخل فيها ولا يعطيها وجه

2_ماتسولفين معها ولا تعطينها وجه اذا هي سولفت

3_لا تهاوشينها مهما صار حتى لو زعلتك لاتتكلمي معها وطنشيها هي دايركت راح تحاول ترضيك

4_اي شغل تقصر فيه قولي لها بدون رفع صوت سوي كذا وكذا ولو سوته مو مثل مابغيتي
قولي لها اعيدي.. فهي راح تعرف انها لازم تسويها من اول امرعلى اكمل وجه علشان ماينطلب منها الاعاده..

5_اهم شي لو عصبتك لاتبيني لها لان هذا هو اللي تبيه انها ترفزك او تخليك تسوي الشغل بنفسك

6_ اذا شفتيها اجتهدت لازم تشجيعها وتحفزيها بمكافأتها باللي تحبه لبس جديد ساعه تقليد بطاقه تكلم اهلها فيها..وقوليها هذا هديه علشان شغلك كويس

7_عودي عيالك على احترام الشغاله وانهم مايثقلوا عليها بالطلبات

8_اذا جاء يوم من الايام ولاحظتيها تنافخ وزعلانه سواء بسبب انتي تعرفيه او ماتعرفيه ماعليك منها وطنشيها لين ترضى من نفسها انتبهي ترضينها ترى هاذي احد حيلهن المعتاده

9_احيانا تتكاسل الشغاله وتسوي نفسها تعبانه علشان ماتشتغل وتجذب الانظار لها وكثير تصيرصدقيني لقيت حل..اوديها لمستوصف خاص يكشف عليها واذا طلع مافيها شي اقولها اذا استمريتي تعبانه راح اوديك لمستوصف ثاني واعالجك على حسابك .....راح تفز من فراشها وهي مافيها الا العافيه
(طبعآ علاجها علينا بس انا من باب التخويف وعلشان ماتستهبل علي)

10_انتبهي قدامها تخونينها او تكذبينها وانتبهي انك تحرجينها قدام احد حتى عيالك الصغار تراها تحقد وحقدهم شين

اضافه .....

حاولي انك ماتخلطيها بالشغالات سواء عزايم انتي ماراح تقدرين تحبسيها صعبه ضميرك ماراح يطاوعك بالاضافه لانك تحتاجينها بسفارتك وخرجاتك
انتي خليها اثناء الاجتماعات بالبيت علشان هو مكان لتجمع الشغالات بلا رقيب وتحملي عيالك بنفسك وعوضيها تطلع معك بالاماكن العامه اللي تكون هي فيه تحت نظرك


ولاتنسين اختي انك تعلميها على جدول يومي

مثلآ كل يوم تصحى الصباح تغسل الحمامات

بعدين ترتب البيت وتكنسه وتنظف الغبار

وبعدين تدخل المطبخ تنظفه واذا كنتي تعتمدي عليها بالطبخ فراح تطبخ

او انها تقطع لك وبعدين تطلع تغسل الملابس وتكوي

وعودي شغالتك كل ماطاح بالارض شي تنظفه مو تنظف مرة وحده وبس

وقبل لاتنام تغسل ارضية المطبخ بصابون وتشطفه بمويه ومطهر

وتجمع كل زبايل البيت وتطلعها قبل لاتنام

وعوديها تتروش كل يوم الصباح علشان تتنشط أو قبل النوم بس الافضل الصباح

او ل ماتجي سوي معها كل هالامور خطوه بخطوه ووسعي صدرك علشان تعرف طريقتك وتمشي عليها على طول


اتمنى اكون افدتك....وآسفه للاطاله

والله يسخر لك شغالتك الجايه

مشكوره ونصايحك بالبال الله يجزاك خير

أنا مع مهره في كلامها بس طريقه الجدول هذي مايبيلها أحد يعلمك أياه ::

مثل أذا قامت الصباح تنظف الحمامات بعدين تروح تشوف الغسيل وأذا أنتي تطبخين خليها تجهزلك الأغراض مثل تقطع البصل وغيره ...

طبعا تعلمين شغلها قبل بيوم مثل على الطبخ وبهذي الطريقه هي راح تنسق مع نفسها ....

وأنتي أذا كان عندك أطفال لاتشيلينها شغل المطبخ لأن تعرفين المطبخ يبيله وحده لحاله وأنا ما أحب أخلي شغالتي تدخل المطبخ لأنها ماسكه أطفالي بس تصلح أكلهم وخلاص ...

والله يسرلك أمرك ويسخرها لك ويطعمك من خيرها ويكفيك شرها ...

بس أهم شي النيه والمعامله الحسنه ومهما غلطت ماترفعين صوتك عليها وتهاوشينها علمها غلطها بطريقه مودبه ومحترمه وهي بعدين راح تعرف شغلها ..
وخليك على طوله البال ...

أن كيدهم عضيم ...

تقبلي نصيحتي و