مساعده مساعده مساعده ياطباخات عالم حواء ،،،

مرحباً خواتي ،،،
بدخل بالموضوع مباشره ،،،
الخميس الجاي 20 / 8 بإذن الله عندي عشاء كبيييير ببيتي وبيجون أهل زوجي وهم يضربون المثل بطبخي وأنا والله محتاره ما أدري وش أسوي على العشاء لأننا ملينا من السمبوسة والكبه والرولات
وودي أصلح الأنواع هذي وأبغى اقتراحاتكم لي تكفوووووووون بالصور :
4 أنواع سلطه حلوة وغريبه وجديده ، 4 أنواع مقليات جديده ، 3 أنواع حلى عشاء ((( بارد ))) وأفضل صينيه ما أحب القوالب الصغيره متعبه ،،،
ووش رأيكم أصلح ورق عنب ؟ ((( علماً إني سبق صلحته كذا مره وأعجبهم )))
تراي متزوجه لي سنه ونصف ( يعني جديده ) بس تكفون أبغى السنع لهم اللي يبهرهم ،،،
*** زوجي يقول نجيب كل شي جاهز وأنا ما ودي لأنهم يتكلمون بعزيمتي أكثر من شهر ،،،
((( نسيت أذكر الجريش بعد إني بصلحه وعاد أنا ولله الحمد شاطره فيه )))
والضيافه بعد اقترحوا علي ولا تنسون تذكرون لي أسماء المحلات علماً إني بالرياض ،،،
انتظر ردودكم على أحر من الجمر تكفون ،،،