مساعده من اهل الرياض

عندك حياه مول وصحارى الرياض وصحارى بلاز جمب بعض
وصحارى الرياض فيه محلات جزم مو ماركات زي طلبك وعندهم اشياء حليوه
ملابس النوم عندك ستي ماكس طريق الامير عبدالله وفرع في حي الخليج وفرع في البديعه والهرم فيه كذا فرع بس احسنهم فرع اللي بمخرج 14 عند اسواق نجد وسناء طريق الامير عبدالله واضح وسما طريق العليا العام قبل الاندلس الظاهر واخر فرصه طريق الامير عبدالله جمب السدحان
عندهم ملابس نوم رخيصه واشكالها نعووومه وانتبهي تدفعين ملابس النوم من اماكن غاليه ترى الرجال مايدرون اهم شي يكون نعوم وكيوت
وقميص اول ليله عندك شارع الوزير جو البلد او عندك سوق نسيت اسمه قبال الشيراتون طريق الملك فهد الدور الثاني فيه جلابيات وقمصان نوم
وعندك جلابيات وتنانير حليوه سوق العليا مول على طريق العليا
الفساتين حياه مول الدور الثاني وعندك الموسى طريق العليا
ملابس بيت وطلعات عاديه ستي ماكس وستي بلاز اللي غيرو اسمه لسنتر بوينت احلى فرع طريق التخصصي جمب اليومارشيه
عندك غرناطه مول ملابس طلعات حلوه
عندك النمر سوقين جمب بعض السوق اللي فيه نكست هو السوق المطلوب وهو على طريق العليا علطول او ماتدخلين اطلعي فوق فيه محل اسمه النخبه يجيب القطع الطويله اللي مع بناطيل واشكالها حلووه واسعارها معقوله
الملابس الداخليه الطقوم عندك لاسنزا ونعومي وستي ماكس وكذا محل والمحلات اللي قلتلك بالدور الثاني بسوق اللي قبال الشيراتون
نجي العبايات عندك سوق طيبه ارخص شي وكاسررريهم بعد
العطورات انصحك بهريره اسعاره معقوله على طريق الامير عبدالله
المفارش عندك سوق اشيقر بديره الدور الثاني محلات الشلهوب خذي مفرش الرئسي والثاني شوفي ايكيا ونكست يجيب اشيا فرع غرناطه
والميك اب لاتشترين واجد خذي اساسيات واللي تجي مجموعات الشدو والارواج وعندك ماك وعندك ميك اب فور ايفر وشوفي قسم بستي بلازم عندهم اشياء حلوه
وشنط السفر عند الجار الله بطريق الامير عبدالله
بكذا غطيت لك اغلب الحاجات ودليتك على المحلات الي تناسب ميزانيتك حاولت اتجنب الغلا الفاحش
وبتوفيق وادعيلي