مساعده ولكم دعائي

انا ياقلبي بقولك عن فترة الخطوبه حقت أختي واللي طولت لمده 8 ـــ9 شهوور والله كرهة خطيبها لأن فعلا حست في الملل لا وأكثرت المشاكل بيناه وبينه على أتفه الأشياء وياكثر زعلاتهم من غير ولا شي يوم يتكلمون مع بعض وعشره لأ

لين الأهل طفشو منهم وزوجوهم والحمد لله وما أحلاهم متفاهمين ويحبون بعض بشكل مب طبيعي

يسعدني اني ارد عليج كوني مجربه
مالكه من 8 اشهر (عز الطلب )
بصراحه عن نفسي خطط تمام لها الامر وخاصه انه الفتره طويله اول ستة اشهر ما كنت اكلمه الا عن طريق الاهل يعني عن طريق تلفون الوالده وكل اللي بينا كان سلام وسؤال عن الحال بس لا اكثر ولا اقل ... وهذا الوضع اللي كنت اباه طبعا بعد الاستخاره
وقبل رمضان اخذت بطاقة الوالد القديمه وبدت بينا المكالمات بس مو عشان سوالف مالها داعي ...عشان تأثيث بيتنا المستقل وشغلي والسفر فكان لازم ....
وبعدين حس على دمه وياب لي بطاقه باسمي ههههههههههه بس صرحه لازمه حدودي وياه مسجات بس لاني مو فاضيه (من اولها )
بالنسبه للزيارات فما شفته غير اربع مرات (في مجلسنا يعني )
تعرفين شو السيء مكالمات ما بعد نص الليل انصحها اتسكر تلفونها لانه وقتها مو زين اللي يستوي :D

شي ثاني لا اتكثر زعل لانهم يملون من الزعوله ويمكن ما يعطيها ويه :angry:

تحاول اذا مرت مناسبه عزيزه عليه تهديه
لا تتكلم ابد عن مغامراتها العاطفيه خخخخخخخخخخ اذا عندها او فلان كان يحبني وفلان خطبني
تحط اهله بعيونها وتحترمهم يعني تحب على راس امه وابوه ....
والرجال يحب المرأه المستحيه والدلوعه مادري ليش !!!
وأهم شي أهم شي كل ما زارها تتجمل بس ما تبالغ بمكياجها ولبسها وعطرها والشعر عشان يتولع فيها من الحين ويشوفها اميره :D :D حركات خخخخ

الأبتسامه اتجننهم خخخخخخخ :D الا تسحرهم بس بدلع وعفويه
انا خبرتج عن بعض الامور اللي استوت وياي وخلته يتعلق فيني :30:

واذا تذكرت شي بخبرج بس مادري فدتج ولا لأ

مشكورررررررررين جدا عبير هل كان بينكم مكالمات وزيارات خلال هالسنه كثير؟

ما انصح اي وحد إنها تطول في فتره الملجه... إلا اللي ظروفهم ماتسمح

انا استوت بيني وبين ريلي مشاكل مالها لا أول ولا آخر وعلى آشياء تافهه وماتسوى... والسبب إن فترة الملجه طولت

الريال يتمنى ان زوجته تكون عنده وجدام عينه طول الوقت وماتنشغل بغيره... وها السبب كان اساس في المشاكل اللي بينا

بنات ما انصحكم تطولون والله
اسأل مجرب

بس الحمدلله عمري ماحسيت إني مليت منه

السلام عليكم،
يختي جان زين ابوي يرضى باكثر من شهرين؟؟؟
على العمووم خليها تاخذ راحتها بالتجهيز وترتب اوقاتها على الراحة حق هالشي
ولا تطلع معاه وايد وخل تختصر المكالمات
وترا الفترة هذي للتعارف اكثر على الخطيب، والله يوفقها انشالله