مساعده يا حلوين عندي مناسبتين ومحتارة ؟؟؟

السلام عليكم


بنوتات ممكن مساعده الله يسعدكم



أنا عندي مناسبتين كبار أخر هذا الشهر إن شاء الله طبعاً هي مناسبات لبنت عمي عروسه جديده

وحده من المناسبات بيسوونها أهل زوجها بقاعه كبيره وزفه و مره مكلفه

و بلبس لها فستان فضي تصميم إيلي صعب لكن لحد الأن ما أشتريت له جزم أيش يمشي مع الفضي

أنا ببالي أسود أو أبيض لكن فيه بعض قريبات قالو ما يصلح لا الأسود ولا الأبيض حيروني

و كمان مكياجي أفكر أخليه سموكي و الروج مدري أيش أخليه أفكر بموف غامق أيش رأيكم ياللي تعرفون

بالمكياج ينفع اللون مع الفضي أول مره ألبس فضي علشان كذا أبتلشت لا تقولون أحمر بعتمد الأحمر

للمناسبه الثانيه

و كمان شعري مدري كيف أسويه الفستان كله مفتوح من الصدر و الظهر وشعري طويل

قريب من أخر ظهري أيش رأيكم

أما المناسبه الثانيه فأخذت لها فستان دنتيل أسود بطانته بيج فاتح و أشتريت له طقم ذهب أصفر فيه

فص كبير أحمر و بحط مكياجي سموكي وروجي أحمر و الجزم أخذت أحمر نفس درجة الروج

طيب كذا تمام اللي محتاره فيه مع هاللبس الساعه عندي ساعتين ألماس و حده ناعمه مره كلها صفراء

و الثانيه مره فخمه و كبيره لكنها ربل أبيض و هي عريضه شوي

مايركب عليها إلا الربل اللي جاي معها و ما يجي منه إلا ثلاث ألوان بني و أسود و أبيض

لكن أحسها سبورت شوي هل ألبسها أو ألبس الساعه الناعمه اللي كلها صفراء

عطوني رأيكم لو في مناسبة زواج كبيره تشوفون وحده كاشخه ولابسه ساعه ربل هل هالشيء مو زين

و كمان شعري كيف أسويه

العزيمه الثانيه أم زوجي بتسويها لبنت عمنا يعني بشتغل ما راح أرتز زي الأولى اللي من أهل زوجها

وموديل فستاني كمان مفتوح من الصدر و الظهر

المناسبتين بينهم يوم واحد بس و كل الحظور هم نفس اللي بيجون بالمناسبه الأولى و الثانيه

فأبغى تغيير كامل




و أخر سؤال معليش طولت شعري صبغته قبل العيد أشقر رمادي متوسط أفكر أفتحه شوي

هل ينفع مع لون فساتيني أخليه أفتح بثلاث درجات عن اللون الأول أو ما ينفع




الله يسعد اللي بترد علي لأني مررررره أرتبكت لما قربت المناسبات و كمان صار لي فتره طويله

جداً ما حظرت مناسبات كبيره زي هذي يمكن من خمس سنوات أو أكثر