😊الحمد لله شريت غسالة الصحون ميديا ٧برامج والحمد لله مرررره حلوة وعجبتني وماتصرف مويه
المهم كان مع الغساله هديه مكعبات فيري ٣في١ ومرره كان حلو والمواعين كانت تلق لق✨ بس لما خلص قلت خليني اخذ صابون بودرة يمكن يكون احلى ويكون موفر لان مقدار الصابون البودر يجي قليل توكلت على الله وشريت صابون فينش علبه صغيره ب٣٦﷼وشريت معاه مساعد شطف ب٢٩﷼ ورحت اجرب حطيت البودر ومساعد الشطف
النتيجه
لمبة مساعد الشطف حمرا ماتغير لونها واصلا حتى لما كنت احط المكعب كانت كذا ماتطفى
وطلعت المواعين مررررره مبهته بشكل مو طبيعي ووتحسون عليها طبقه بيضاء وقاسيه
صراحه خرب الاكواب
غسلتها مره ثانيه وزودت شوي صابون وزودت ملمع ورفعت درجه الملع على ٤ ونفس المشكله واحس الصابون يبقى في المواعين
حتى باب الغساله من الداخل الله وكيلكم طلع مبهت
اخذت الاكواب والفناجيل ونقعتها في مويه وخل وغسلتها على يدي مع فيري والحمد لله رجعت زي ماكانت
من حسن الحظ كان باقي مكعب فغسلت بيه غسله ثانيه والله طلعت نظيفه وحتى باب الغساله من داخل طلع نظيف وفيه لمعه مو زي صابون البودر
ادري طولت عليكم لكن من حر مافيني 😢
ابغى اعرف هي طريقتي لاستخدام الصابون غلط او هل الصابون البودرة هو اصلا كذا
وهذي صورة الصابون ومساعد الشطف
صراحة ماجربت غير المكعبات فينش
ان شاءالله البنات يفيدونك