مسافرة تركيا ....ماشاء الله.. اوزنجول بالظبط ..من تعلمني عنها

.................................
ليت الي راحت او قرت عن اوزنجول الرائعه تكتب لنا وتفيدنا

معليش بس اختي انتي تشوفين الاخبار
وش الي يوديك تركيا الحين
فيها تمرد وحرب وانتي رايحة لها
المعذرة بس خايفة عليك

ماعندي فكره بس حبيت ادعيلك ربي يهون لك امر هالسفره ويتممها بخير وسعاده يارب

ياعمري تروحين وترجعين بالسلامه
انا سافرت تركيا وقعدنا 14 يوم ماشاءلله روووووووووعه
اكثر شي عجبني اسطنبول وبورصه بورصه هدي ونيسه وحلوه مره
الاسواق مافيها شي زياده هم بعد اغلى للكن الاسواق الشعبيه حلوه مره وفي بورصه مصنع للجلد خيالي كل الي فيه صناعه من الجلد الاصلي واسعاره فيه الغالي والرخيص
السكن كان الهيلتون في اسطنبول وانتي عارفه خدمات هيلتون حلوه
وفي بورصه اتوقع كراون حلو بعد
المطاعم تجنن اكلهم خيالي مشاويهم حلوه ومقبلاتهم شي مسكته
والله مدري واش بعد اكتب
فيه بعد جزيره الاميرات تروحين لها بسفينه ما عليها لكن انا ماحبيتها لاني اخاف اركب البحر
البلد فيها طبيعه حلوه وفيها متاحف يبيلك يوم كامل كله للمتاحف ويالله يكفي
في اسطنبول شارع الاستقلال حلو محلات ومطاعم لكن انتبهي فيه لشطنتك المرشد السياحي الي كنا نسأله عن افضل الاماكن قالنا ان الشارع فيه نشالين كثير
فيها سواح روس وسويدين ونمساووين كثير البيتش مليان فيهم ماقربنا له ابدا زحمه غير طبيعيه
غاليه هي مو رخيصه التاكسي والاكل غالي
وهدا الي حضرني الحين والله يونسكم بالعافيه

مرحبا ينابيع الحياة

رحت العام الماضي تركيا وبالتحديد اوزنجول منطقة تعتبر ريفية هادئة فيها بحيرة من اروع ما يكون بين جبال اذا وصلتي بالطيران طربزون تحتاجين ساعة ساعة ونص طريق بالسيارة على ما توصلين لهذي المنطقة المناظر رائعة جدا كانك مع هايدي بجبال الالب

فيها فنادق على شكل اكواخ وفيها بنسيونات غرفة ومطبخ اوغرفتين ومطبخ على حسب رغبتك سكنت هناك 3 ايام اخذنا غرفة مع مطبخ نظيف مرة موفر لنا ادوات طبخ نظيفة وكنا نطبخ البقالات كثير ومتوفر كل شيء تقريبا الاسعار نوعا ما غالية

ما فيها اي شيء ممكن تاخذينه عدا تحف وا اعتبرها غالية بعد لكن الروقان والراحة والطبيعة اروع ما يكون بس اكيد هالايام بتكون برد موت لان انا رحت بالصيفية وكنت ملبسه اولادي ربيعي بالنهار وبالليل شتوي كيف هالوقت من السنة اكيد المنطقة كلها ثلوج

السواق اللي ودانا يقول في الشتاء تتجمد البحيرة

اي سؤال انا حاضرة