مسافرة دبي ان شاء الله .. ساعدوني

صباح الخير

الله يسعدكم أنا مسافرة دبي إن شاء الله ومعي أختي وأولادي وبناتي
تاريخ 5 نوفمبر إلى 8 نوفمبر
3 أيام فقط
وأنا مخططة البرنامج ع اساس اول يوم اللي هو يوم الأربعاء الوصول العصر نستلم الفندق ونروح ع دبي مول نقضي فيه باقي اليوم كله
واليوم الثاني يوم الخميس الحديقة المائية الويلد وادي وماعرفت ايش اضيف معها
واليوم الثالث يوم الجمعة القرية العالمية
واليوم اللي فيه العودة لانو بتكون طيارتنا الساعة 8 مساء قلت مدانا نروح حديقة الزهور بس ماني عارفة مكانها بالضبط

سؤالي كيف التخطيط حلو ولالا
وأنا محتارة هل أخلي القرية العالمية يوم الخميس 6 نوفمبر اللي هو أول يوم تفتتح فيه
ولا أخليها يوم الجمعة ؟؟
ودي اروح لها باليوم اللي يكون فيه عرض الالعاب النارية

سؤالي الثاني أنا حامل بالشهر السادس هل فيه بالقرية العالمية زي سيارات القولف تنقلني للمكان اللي ابغاه عشان مااتعب ؟؟

برضه كمان ابغى اسألكم أختي ماعندها جواز وحجزت لها التذكرة ببطاقة الاحوال وطلعت لها تصريح من ولي الامر طيب هل بالامكان انها تسافر دبي ببطاقة الاحوال ولا لازم جواز سفر

جزاكم الله خير مقدما