الحال من بعضه..

انا مره منشغل بالي..

وناويه ان شاء الله اغلف كل المكيفات والشبابيك..

والكنبات اغطيها.. والاكسسوارات ادخلها بكراتين..

واشيل مفرش السرير وابقي الشرشف اللي فيه مغاط واحط الوسايد تحته..


بس المشكله ان زوجي يقول ابعطي اخوي المفاتيح عشان يشيك على البيت كل فتره..

وبما ان اخوه مو بنفس المدينه..فيمكن ينام فيه!!

يعني لازم احسب حساب ان احد بيقعد بالبيت..ما اقدر اسكر كل شي!!! وهذا مقلقني..

يعطيك العافية

يسلممممممو لكل من شاركت

الله يعينك وان شاء الله البنات فادوك

نفس كلام البنات

وازيدك الغلف البلاستيك غلفي به الثريات اللي في السقف يعني لماتجين تنضفيها بسهوله
والشموع كلها اذا كان عندكم تصرفي فيها لانها بتميع مع حراره الجو الخيالي والعطور والمنضفات يعني اي شي بيتاثر بالحراره شيليه خطر انها تتفجر لاسمح الله لان مافيه احد راح يستخدم البيت والمده مو سهله 5سنوات...

والملابس الزايده والشراشف حطيها في اكياس اللي ينسحب منها الهوا وتنضغط وفيه وحده من الاخوات نسيت منهي بس فكرتها حلوه انك تجيبي الشراب الاسود اللي نلبسها اذا جينا نطلع عن الرجال وحطي فيه صابون وحطيه مع الملابس يمنع عنها ريحه التخزين..والدولاب غطيه كامل بالبلاستيك عشان الغبار مايدخل ...

والحمامات فيه سداده بيضاء تباع تحطينها في البالوعه عشان الحشرات ماتطلع ...
واذا انتي والجيران علاقتكم حلوه خليهم بين فتره وفتره يشغلو المسجل على سوره البقره ويحطونه في السور عشان ماينهجر البيت مو لازم يدخلوه جوا وحتى ينتبهو للبيت عن الحراميه....واستودعي بيتكم الذي لاتضيع ودائعه ...

وترجعون بالسلامه ان شاء الله....