مسافره مع بنوتي بروحي .. وحابه استشيركم في الترتيبات\عفو مكرر^_^

السلام عليكم ورحمة الله
شحالكم خواتي

ان شاء الله نازله الامارات الاسبوع الياي
وطالعه من هيوستن
مع بنوتي
مي اند ماي دووتر اوووونلييييييييييي
واول مره بروحي

المهم

حبيت استفسر منكم يا حلوات عن اكل البيبي في المطارات والطياره
هل مسموح اجيب لبنتي اكل مطبوخ واحطه في حافظات ؟ مثل عيش او بطاط مهروس
هل يمشون هالسوالف في السكيورتي؟
معوده بننتي علي اكل البيت وعمري ما ااكلها من سوالف السوبرماركتات الجاهزه
وامس قلت خلني اعطيها من الاكل الجاهز واجرب عشان اشل معاي المطار و الطياره ما تقبلته ابدا
وفي الطياره طلبت البيبي ميل .. بس مادري شو مكوناتها؟ هل هي من العلب الجاهزه بعد ؟
واذا مب مسموح ادخل اكل مطبوخ .. شو ممكن اخذلها من المطار ؟
لا تنسون يا خواتي انه الرحله 15 ساعه واذا عندكم نصايح خاصه كيف اقدر اسيطر عليها طول هالوقت؟

وكنت بسالكم حبيباتي
حمام الطياره وطاولة البيبي في طيران الامارات .. واسعه و مريحه ولا لا ؟ لاني ما جربت ابدل بيبي في الطياره !! بنتي حركيه ما شاء الله واخاف تطيح
وحبيت استشيركم في اللي بسويه :
ناويه اشل بنتي بالبيبي كارير .. اللي يحملون فيها البيبي ... وبشل معاي شنطتين .. كبيره شوي وصغيره
الكبيره بحط فيها سوالف اللبس والتغيير للرحله كلها( بامبرس-ملابس-العاب) والصغيره بحط فيها سوالف الاكل+تغييره وحده وكم بامبرس + ( رضاعه-حليب -حرارة ماي-ملاعق-فوط-صدريات...)
وبخلي الشنطه الصغيره معاي تحت الكرسي وبحط فيها بيجامه احتياط و كم بامبرس والكبيره فوق

شو رايكم في الترتيب؟