مسافره وعندي اثنين اولادنصايحكم لوسمحتوا

الله يحفظكم .. من خلال تجربتي خلي معك في شنتطك اليدويه بنادول واي دواء تستخدميه اذا تعبتي مثل لاقدر الله بخاخ الربو وفيتامين سي ...خافض حراره

شوكلاته من السوبر ماركت او البقاله 10 علب ماء عصيرات كيك معمول ... لان الممطارات غاليه جدا وتخافين بعض الرحلات تقف ساعه كامله انا وقفت الطاىره ساعه كامله في البحرين (( ندمت ماكان معي اي شئ ))ولا عطونا الا عصير اتمنى تتقبلي نصيحتي بصدر رحب وتعذريني اذا قصرت

اذا اطفالك عندهم ايبود او بي اس بي او قيم بوي او دي في دي محمول هذي روعه تلهيهم شوي في الطياره وترتاحين بالتوفيق

اختي ازا انت في امريكا مي واي شي سائل ما بتقد
ري رايحين يكبوه ازا كان معك داخل الطيارة حتى اللوشن والفاونديشن

خلي ملابسهم مريحة وعملية خلي معك سناكس واي شي يلعبوا فيه او دفهر التلوين والوان

المنوم ما فهمت عليكي لشو ما في داعي

السوائل مايدخلونها معك ابد مثل الماء والعصير حتى الاكل بعض الاحيان يخلونك ترمينه

المنوم ماله داعي ابد عيال تقدري تتحكمي فيهم بس جوعيهم نوم قبل عشان يدخلون الطياره وينامو على طول طبعا اذا عندك العاب مثل ماقالوا البنات خير وبركه ماعندك عطيهم كراس الوان وخليهم يرسمو او اي شيء يحبوه تغير الملابس مااشوف له داعي لانك بتتعبي من اللبس والفصخ الا اذا كانت رحلتك اكثر من 6 ساعات

مرحبا..

أول شي لازم تلبسيهم شي عملي ومريح..لبسيهم بلوز وفوقه جاكت عشان لو صار حر بسرعه يشيلون ويلبسون الجاكت..
مثل كذا..


أو كذا..


ماله داعي تغيير الملابس..بس خذي ملابس داخليه إحتياط..لو لا سمح الله ما لقيتي حمام بسرعه أو إنحصر أحد فجأة..
صارت لي ببنتي..ما كملت بس صار في الكلوت شوي بول-تكرمي- وغيرته لها..

خذي فطاير يحبونها..بدون ما يشوفونها..وخبيها لوقت الزنقة..وأكليهم زين قبل السفر..وبالغالب إذا الرحلة طويلة يعطونكم وجبه..وممكن تطلبين سندويشات جبن لهم لو ما أخذتي فطاير..

المويه والعصاير لو بتروحين أمريكا يرمونها..أخذت علبة مويه عشان أستخدمها لمن أدخل الحمام-تكرمين- ورموها..)-:

بس إنتي خلي عندك علبة صغيره فاضيه..لو أحتجتي الحمام عبيها من البرادات..لأن مافي مويه داخل المرحاض..بس ورق..

لا تكثرين أشياء بيدك..يدوب شنطة وسط للأشياء الضرورية..

عطورات كريمات أساس كريمات لوشنات..كلها يرمونها لو لأمريكا..خليها بالشنط الكبيره..

اللوشن ممكن يخلونها عندك لو كانت صغيره مرة مثل اللي بالفنادق..

إحتياطاً لا تكثري لو أحد من الأولاد نام إلا يمديك تشيليه..

>>>عانيت منها مررررررررره لأني كثرت أشياء بيدي..وبنتي نامت ومرة تعبت وأنا أشيلها..ومحد يساعد هناك أبد..وأصلاً ما ينضمنون..

إذا بتاخذين عربه بتنفعك مره..بس خذيها خفيفة وتتسكر بطريقة ملمووه..عشان تدخلينها الطائره..

الأدويه الضرورية..إذا لا سمح الله أحد يحتاج..

بندول..خافض حراره..فيتامين سي..أدوية ربو..لصاق جروح..

في سفري بنتي الكبيره كان عندها أي بود تاتش..مرررره نفعني بالطائره..كانت تلعب وتسمع أناشيد أو قرآن فيه..وأنا صرت مركزه على بنتي الصغيرة..

فلو كان عندهم أي بود أو بي أس بي أو قيم بوي أو أي لعبة صغيرة يحبونها وتحسينهم يندمجون معاها خذيها..

بنتي تحب تلبس شنطه..أخذت لها وحده عالظهر خفيفة مرره..وحطيت لها قصة ودفتر تلوين صغير مع ألوان والأي بود..وعلك..للطيارة..

بالنسبة لك أنتي..إذا بتلبسي عبايه..خذيها واسعه شوي..لو بتروحين مكان برد ولبستي شتوي ما تضايقك مع اللبس..
وخلي لبسك مريح..
أنا مرة لبست تنورة وبلوزة..من جد تضايقت فيهم..وخصوصاً إنو المشوار كان مره طويل..وكان ترانزيت مرتين..وحلفت أخر مره ألبس تنورة..×_×

إلبسي بنطلون مريح واسع..وبلوزه ثلاث أرباع لو بتروحين مكان بارد..
خذي لك غيار إنتي بعد..وفوط صحيه..أنا مع التعب نزلت لي الدوره قبل وقتها بـ4 أيام..×_×


تقريباً هذي الأشياء اللي توهقت فيها وتمنيت إني أخذت إحتياطاتي..

ورحله مريحه موفقه..
وتروحي وترجعي بالسلامه..


في أمان الله..

انصحك وبقووووووووووووووووة تشترين جهاز دي في دي لكل واحد فيهم ومجموعة سي دي اصلية عشان ممنوع التقليد لمجموعة افلام كرتون يحبونه وحطيه بشنط الظهر تبعتهم رااح تدعين لي زي مادعيت للي جابته لي