ماشاااااااااااااااااااااااااء الله ....

ما تركتولي دور أحكي و أشرح للأخت زهرة التنوير :)

بسم الله وماشاء الله عليكم ... كفيتوا و وفيتوا .

الله يوفقكم جميعاً :26::26::26:

يا هلا وغلا اختي الحبوبه .... roma 88

تسلمين على معلوماتك القيمه جدا صج استفدت واااايد ... بس سامحيني تاخرت بالرد عليك
والله ما ادش النت وااايد ..

بس صارت عندي خبره بالاماكن هذي . الخريطه موجوده وشفتها كلها بس المشكله كل
منطقه بينها وبين الثانيه مسافه .. مو عارفه اشكثرها يعني اذا بروح من منطقتي اللي ساكنه فيها الى المنطقه الثانيه يمدي اروح وارجع نفس اليوم او اشلون ؟؟
الاسواق عرفت انها كلها في دمشق ...بس انا مو متوقعه اشوف مدينه فخمه بالعكس انا احب الاماكن القديمه والاسواق الشعبيه لان هي اللي تشمين فيها ريحه البلد مثل عندنا بالكويت سوق المباركيه ما يتطوف لاي واحد يزور الكويت انا شخصيا احبه وايد ..
تسلمين يا عمري ما قصرتي ......

تسلمين يالغاليه ...ينبوع الخير

مشكوووووووووره على مشاركتك ومعلوماتك الرائعه .. احنا بنسافر بالسياره وصج تفيدك وااايد بالسفر انا جربت لما رحت الامارات اريح لك اذا كان عندك سياره خاصه ... بس زعلتيني بسالفه الحدود .. انا اكره شي عندي في السفر بالبر تعطيل الحدود وتفتيش السياره ويطلع لك واحد نفسه بخشمه مثلما يقولون . وتلقين كلنا بالسياره مع العيال نقول دعاء الهم والحزن علشان تتسهل امورنا ...
بيروت مثلما قلت ما تتطوف بس اخاف الاوضاع هناك مو مستقره .. يعني سوريا امان اكثر ..
وتسلمين يالغاليه ما قصرتي جزاك الله كل خير ..

حياك الله يا اختي العزيزه ...كحيله

والله على راسي مشاركاتكم .. صج اخجلتوني بتواصلكم ومشاركتكم جزاكم الله كل خير ..
بلودان والزبداني معروفه انها تكون مليانه بالخليجين واكيد زحمه .. بس اخاف ما تحسين انك مسافره من كثر اهل الخليج !! احنا بصراحه بنسكن في يبرود صج بعضكم ما نصحوني فيها لكن ميزتها مثل ما سمعت انها هادئه وما فيها زحمه وامان احنا حصلنا على سكن مجاني هناك رفيج زوجي عنده بستان فيها وكل سنه يسكن هناك لكن هالسنه مو مسافر وعطانا المفتاح .... واعتقد بينها وبين دمشق ساعه ( 60 كم )
بالنسبه للمطاعم جزاك الله خير نبهتيني لهالشغله بس تصدقين ان الكتشب مثلا صج انه في مطاعمنا مجاني بس لما سافرنا تركيا كانوا يحاسبونا عليه واعتقد انه سوريا نفس الشي عندهم ؟؟ اما الاسواق والله انا وحده ما احب اكاسر وااايد بالسعر الله يعيننا .. مثل ما تفضلت فيها اشياء ما تتطوف طبعا ملابس عمليه اشوفها عندنا بالاسواق وما ادري اشلون سعرها هناك لازم تكون ارخص يعني ما يقصون علينا !!!!
تسلمين يا كحيله وعسى ربي ما يحرمني منكم يا احلى بنات ..........

يا هلا ومرحبا باختي الحبوبه .... لوليا
يسلم لي كلامك الشامي الحلو مثل حلاتك ..انا عندي صديقه قريبه من قلبي دكتوره سوريه بس قمه بالاخلاق والادب والمعامله والديانه ذكرتيني فيها بكلامك كانك اهي تتكلم !!! والله يا حبيبتي كل مكان بالعالم تلقين الناس مستويات فيهم الزين وفيهم الشين ما يصير نعمم ..
بس كلامك يطمن والله ..وتسلمين من طيبك ادري ما تقصرين ...
انا ودي اشوف كسب وااايد مدحوها لي وصلنفه بعد لكن اللاذقيه اعتقد هي بحر بصراحه ما ودي اروح وما اودي عيالي البحر يعني اذا وديتهم اكيد فيه مناظر مش ولا بد !!!
الاسواق مثل ما يقولون التجاره شطاره وكل تاجر يحاول يربح مو حرام .. لكن لو يحطون سعر محدد وااايد افضل من المكاسر ...
وان شاء الله اجرب مطعم الحدائق المعلقه من اسمه حلو !! اما الحميديه والله بيستانسون بناتي على الاكسسوارات والمكياج !! الله يعيننا على طلباتهم بيخسرونا ترى اهم صغلر بس يحبون يلعبون بالمكياج ويحطون بالبيت بس.. خلهم يتعلمون ولازم اشتري هدايا حق رفيجاتهم !
جزاك اللله كل خير يا غاليه وتسلمين لاختك ...