بسم الله الرحمن الرحيم
الحمدلله رب العالمين و بعد :
لا شك ان الثقة شعور جميل لا يوصف و الأجمل عندما تكون الثقة بالله جل في علاه
و لكن المشكلة عندما تفوح من بعض البنات رائحة كير الحقد و الغيرة و التي ليس لها تفسير عندي إلا أنها
إحساس بالنقص !!!
اجد علامات استفهام في وجوهكم ^_^
بصراحة ترددت كثثيرا قبل كتابة هذا الموضوع لكن ما نراه من بعض الفتيات يخلي الواحد يكتب مش بس باصابع ايده إلا بأسنانه بعد
عندما تفتقد تلك الفتاة الشعور (بالرضا) ارضى بما قسم الله لك و لا تنظر في مابيد غيرك فيجعل الله فقرك بين عينيك !!
و المشكلة ان بعض البنات ما عليها قاصر و مع ذلك تجدينها تنظر لغيرها بنظرات غريبة كأنها مو شايفة خير ....!!
و تشوفون هالنوعية من البنات بس تطالع لبسك اللي تلبسيه ومكياجك اللي ترسميه تطالع حتى ساعتك و خاتمك طيب في بعض البنات تتحلى عليك و بالعكس هذا شعور طيب لكن انا اتكلم عن اللي تنظر لج بحسد و غيره !!!
أعوذ بالله منهم
و كثير من البنات اللي يشعرون بالنقص يعوضون نقصهم بالتحدث عن أنفسهم :
( أنا بابا ما يرفض لي طلب ) اها طيب عرفنا انك مدلعة !
(لما كنا بالمالديف ماكان في عرب وايد ) يعني انتبهوا ترى رحت المالديف !!!
( اوروبا بااااااااااااردة ) يا جماعة لا تطوفكم هالنقطة ترى البنت فرت اوروبا !!
(كل من يشوفني يقول عني جميلة @@ ) هههههههههه!!
و إذا كنتي انتي اللي امك و ابوك يدلعونك يمكن نفس البنت تقول
(وااي أنا ما احب المدلعات سخيفات ) هههههههه !!!
وإذا كنتي إنتي رايحة اوروربا
(واي اوروبا سخيفة و اسبانيا رطوبة ) يا سلااااااااام !!
و تشوفينهم بس يتكلمون عن نفسهم طيب إذا انا واثقة من نفسي ما يحتاج اقول ان لبسي ماركه و ساعاتي غاليه و اني ما البس الرخيص !! و اني ساكنة بفيلا فخمة !! لان هذي اشياء ثانوية ما يحتاج أذكرها و الأهم الدين و الخلق .. و الطامة الكبرى لما تكون مو شايفة هذا كله و تجي تكذب تقول عندي و هي ماعندها !!!!
و إذا تزوجوا تغيرت نفوسهم و صارو غير كانهم ملكوا العالم !! :
(الزواج روعة مساكين اللي ما تزوجوا ) نقزة !!
(زوجي ما يرفض لي طلب و يموت فيني ) ههههههه!!!
(طبعا بما ان زوجي يحبني ) اها درينا والله ان زوجك يحبك عليك بالعافية !!
(اليوم زوجي حتى الطبخ طبخ عني لاني تعبانة ) ياحياتي ما تشوفين شر ههههههههه!!!
يا بنات لا تحسبون من كلامي اني اتكلم عن بنات طبقة معينة وتقولوللي كيفهم اهما حرين شايفين نعمة و خير انتي شدخلك فيهم و تقولون اني محترة اتكلم عنهم لاني موحاصلي الي هم فيه !!
ترى الحمدلله مو قاصرنا لا الجاه و لا المال و لا الجمال و لا غيره لا تحسبون اللي ينقدون مو شيفين خير !!! .. لكن هذا لا يعني ان لازم اقول اني عندي السيارة الفلانية او انا بالبيت الفلاني او لبسي كذا او او او او !! وما يحتاج ابلغ العااااااااااااالم اني عايشة ملكة!!!!
اللي تتكلم عن نفسها كذا هذي اللي فيها النقص !!
ياما بنات شفناهم يتكلمون عن نفسهم و احنا احسن منهم بكثير لكن ما كسرنا بخاطرهم والكلام في هذا الجانب يولد الغيرة و الحقد و الحسد للقلوب الضعيفة و بنفس الوقت في كسر لقلوب الفقراء او الناس اللي ما يملكون اللي انتي تملكينة
و السلام
فلونة
فلانة الفلانية @flan_alflany
عضوة فعالة
يلزم عليك تسجيل الدخول أولًا لكتابة تعليق.
رسيل798
•
فعلا اغلب اللي يتكلمون عن انفسهم عندهم شعوربالنقص وشيء رائع ان الوحده تشتغل باصلاح نفسها وبنعمة ربي عليها ولا تنظرللي في يد الناس لانها هي اللي تتعب في الاخير
اختي فلونه او فلانه الفلانيه شكرا على لموضوع
اختي فلونه او فلانه الفلانيه شكرا على لموضوع
على قولتك000وقلتيها000دايما بنات العز ماتدرين أنهم بنات عز من تواضعهم وعدم كلامهم عن انفسهم وبعد تلقينهم مافيهم ركضه على الدنيا00ولو تشوف عليك شي حلو تمدحه وتلقينه ماتتحرج من كونها تذكر لك شي عجبها واشترته حتى لو كان رخيص000
بينما بنت الفقر اللي مو شايفه خير هي اللي تلقينها يوم طبت بالنعمه شافت حالها وتنكرت لماضيها وتحب توري كل الناس أنها شاريه الغالي ومصيفه برا على بالها الناس كلها مشفوحه برا زيها00وتلقينها اذا شاريه شي رخيص تقولك غالي ومن الماركه الفلانيه مع انه مقلد بس مافيها الشجاعه تعترف00تحس بالنقص اذا دروا الخلق ان اللي معاها رخيص00بينما بنت العز تلقينها واثقه من نفسها وتقول لك بكل شفافيه وتواضع وجرأه00انها اشترت هالشغله بهالسعر000
بينما بنت الفقر اللي مو شايفه خير هي اللي تلقينها يوم طبت بالنعمه شافت حالها وتنكرت لماضيها وتحب توري كل الناس أنها شاريه الغالي ومصيفه برا على بالها الناس كلها مشفوحه برا زيها00وتلقينها اذا شاريه شي رخيص تقولك غالي ومن الماركه الفلانيه مع انه مقلد بس مافيها الشجاعه تعترف00تحس بالنقص اذا دروا الخلق ان اللي معاها رخيص00بينما بنت العز تلقينها واثقه من نفسها وتقول لك بكل شفافيه وتواضع وجرأه00انها اشترت هالشغله بهالسعر000
رسيل798 :
فعلا اغلب اللي يتكلمون عن انفسهم عندهم شعوربالنقص وشيء رائع ان الوحده تشتغل باصلاح نفسها وبنعمة ربي عليها ولا تنظرللي في يد الناس لانها هي اللي تتعب في الاخير اختي فلونه او فلانه الفلانيه شكرا على لموضوعفعلا اغلب اللي يتكلمون عن انفسهم عندهم شعوربالنقص وشيء رائع ان الوحده تشتغل باصلاح نفسها وبنعمة...
و انتي الصادقة حبيبتي الوحدة لو تهتم باصلاح نفسها و تترك مراقبه غيرها اسلم لها
مشكورة ياقلبي عالمرور
مشكورة ياقلبي عالمرور
الصفحة الأخيرة
صادقة والله
شعور بالنقص