مسالا الدجاج

رفع

والله انا اسويها يا أختي وبعطيك الطريقة وان شاء الله تعجبك
اضع في طاوة تيفال 4او 5 ملاعق زيت صغيره
ثم اضع 5 حبات هيل وعود قرفة واخليها في الزيت الين احس ان ريحتها طلعت والزيت سخن
بعدها احط البصل مقدار بصلتين مقطعة
واذا تحمر اضيف البهارات (جنزبيل اخضر مبشور - ثوم مبشور -كمون مطحون-مكعب ماجي-بابريكا-شطة حمراء مطحونه بس انا ما احطها اكتفي بالبابريكا-اضيف القليل من بهارات الكاري)
ثم اتركها شوي واضيف بعدها حبة طماطم مقطعة وملعقة كبيرة صلصة واتركها شوي واضيف بعدها كوب الا شوي ماء واتركها حتى تتسبك ثم اضيف صدور دجاج مقطع مربعات انا احب اصغرها شوي عشان تنضج بسرعه واتركها الى ان ينضج الدجاج والنار واطيه ثم اضيف بعد ماينضج الدجاج نص علبة او اكثر شوي زبادي واتركها على النارشوي ثم اقطع بقدونس واضيفه
وبس خلصت
ان شاء الله يعجبك ولاتنسينا من دعواتك

دوري باليوتيوب في كذا طريقه

حتى انا احبها واااااااايد واحب الجكن بتر يم يمي

الله يسامحج شهيتيني بهالليل هههههههههههههههه

طريقتي هي دجاج صدور او لحم
بصل مقطع وبصل اخضر طماط مكعبات ثوم زنجبيل فلفل حار
البهارات كاري مهران وفلفل بودرة وماجي
احمس البصل والدجاج بعدها احط الطمام والصلصة وموية
لين يستوي الدجاج بعدها احط كزبرة مفرومة

سبحان الله والحمدلله ولااله الا الله والله اكبر