مسامية الشعر

مسامية الشعر
رح تعملو هالأختبار تاخدو شعرة من شعركن وتحطوها بكأس مي 4 دقايق ولاحظوها إذا أرتفعت عالوجه بيكون الشعر منخفض المسامية وإذا ضلت بالنص بيكون الشعر طبيعي المسامية وإذا نزلت للأسفل بيكون الشعر عالي المسامية
هلق رح تسألوني شو هي المسامية رح أشرحلكن
الشعرة بس تخرج من فروة الرأس بتموت يعني شعرنا شي مافيه حياة البصلة هي اللي فيها حياة المسامية بتحدد قدرة الشعر عحفظ الماء فيها وكل ما كانت المسامية مرتفعة كل ما كانت الشعر قابلة لتستفيد من الزيوت والكريمات والخلطات
الشعر عالي المسامية
بيحتاج
برويتن : نحتاج شغلات مثل البيض المايونيز العسل أو زيوت تحتوي على بروتين مثل زيت جوز الهند
أيضا نحتاج لزيوت غنية وقوية تخترق داخل الشعر وصعب يفقدها الشعر
نحتاج للحفاظ على درجة حموضة الشعر بشامبو متوزان الحموضة أو إستخدام خل التفاح
الشعر منخفض المسامية
هون عكس الشعر عالي المسامية بنبعد عن المنتجات اللي فيها بروتين لأن ممكن تترسب وتتراكم داخل الشعر وتخلي ماعنده القدرة على إمتصاص الزيوت والماء بالتالي هالتراكم راح يسبب الجفاف ولأن الشعر يحتاج الزيت إلى جانب البروتين لهيك هالنوعية من الشعر مرات لما تستخدم خلطة فيها بيض أو زيت جوز الهند بتجف أكثر وبيصير صعب السيطرة عليها ..
بنحتاج :
زيوت خفيفه تقدر تخترق هالطبقة بسهولة
أيضاً يناسب هالنوع من الشعر المنتجات وَ الماسكات إللي تحتوي على سوائل مخلوطة بزيت
دائماً منشان يتغلل الزيت للعمق بنحتاج عامل مساعد متل البخار أو الحرارة مع الماسك لذلك لازم نستعمل منشفة مغطسة بمي سخنة
مو معناتها الشعر المنخفض المسامية مابيحتاج بروتين بيحتاج بس بنسبة بسيطة جدا و بفترات متباعدة
الشعر متوسط المسامية
هو وسط بين الأثنين يحتاج البروتين بنسبة قليلة وتوازن ومانبالغ بالبروتين ولا الزيوت
الزيوت الثقيلة متل زيت الزيتون زيت جوز الهند زبدة الشيا زيت الخروع
الزيوت الخفيفة متل زيت الأرغان زيت اللوز ، زيت الجوجوبا
وبتختلف كمان حسب تركيبة الزيت