مستجداتي

السلام عليكم الله حوائيات اليوم جاي أخذ رأيكم في مستجدات موضوعي الي نزلته في العيد بخصوص زواج زوجي


وداني ليلة العيد عند أهلي وقالي عيدي عند أهلك وارتاحي بأخذ العيال عندي عيدون وخامس العيد بسافر انا وانتي لحالنا قالت الي تبي ووداني وعطاني عيديتي وجلست عند أهلي وعيدت وجاء عيد على أهلي وعيد وتعشيت انا وهو ورجعني البيت أهلي وجاء خامس العيد ونزلنا عيالي عند أخته ورحنا ل عمان طول طريق ساكتين ووصلنا وجلسنا وانبسطت و تمشينا وقبل نمشي تكلم معي وبقولكم وش صار بالحرف الواحد قالي ياحبيبتي أنا قصرت معك في شيء قلت له لا تقول قصرت أنت ماقصرت وحتى لو تتزوج تبقى الوحيد الي ينافس ابوي عندي وتدري إنكك لو تطلب روحي عطيتك اياه قالي انا لك وحتى لوتزوجت ببقى لك زوجك وحبيبك وسندك ماراح انساك و لا اخليك انا ماخليتك قبل اخليك الحين وبتبقين إنتي اول وحده لمستها ونمت في حضنها وأنا نظرتي لك ماهيب زوجه وبس انا اشوفك زوجتي وعشقتي وحبيبتي واختي وأمي وكل أنثى مرت علي انتي تعرفين شلون تزوجتك وليه تزوجتك أول شيء ماراح اكذب عليك انا تزوجتك عشانك انتي والعيال ماتزوجتك عشان شيء ثاني والشي بالشي يذكر ترا مالكم ورث عمي ماعنده ولا ريال كل العزايم و الدنيا الي شفتيها عنده ترا من كيسي انا مهرك من كيسي مصروفك من كيسي حتى فوطك الصحيه من كيسي انا وطلعت لكم ماجادت به نفسي وقلت هذا ورثك انتي وعيالك من خوفي عليك وعلى عيالي وراحو اخوانك وعلمو عماني وأبوي بسالفة الورث واتفقوا بينهم يأكلونه ويرمونك إنتي وعيالك إخوانك يكرهوني الحين عشاني قطعت عليهم الطريق وعماني وأبوي عارفه ليه يكرهوني مايحتاج أقولك وحتى ورثك متى طلعته طلعته وأنتي في ذمتي وحطيته في أراضي بسمك والحين انا بتزوج مو عشان عيب فيك أو نقص لا والله وطلاق أنا بكرا لامني مت لين عند عيالك إخوان يسندونهم ويوقفون معهم مثل ماوقفت معك ومع عيالك وأنتي تعرفين الزمن ماعاد به خير انا موب استذنك عشان أتزوج انا اقدر أتزوج بنت بنوت وعمرها 15 وكامله لكن انا ابي أطيب خاطرك وخاطر عيالنا انا مو حيوان شهواني همي شهواتي انا شخص انولد ونولد بلاه معه وانا الحين جاي وكلي لك أبشري بالي تبينه كله قلت له إنتي بيض الله وجهك والله يسخر لك كل شيء مثل ماتسخرت لي والله يرزقك ما تتمنى لكن أنا ما اسمح لك تتكلم على إخواني وتوصفهم بالوصف هذا قام وحب يدي وقالي آسف مو قصدي