مستجداتي مع خيانة زوجي تعالو وادعو لي انهرت ..

صباح الخير 
بقول لكم الجديد اللي صار قبل كم يوم كتبت موضوع انه زوجي صار يقفل على نفسه ف المجلس اطول وقت وانه صار يفتعل المشاكل عشان يقعد لحاله ويزعل بدون سبب طبعاً من بعد مشكلتي اللي قبل ثلاث اسابيع يوم كشفته يخونني ورجعني هو كان يكذب على اخويه وعليه رجع يدخل البرامج ويدردش ولاكأنه صار شي عرفت ليش صار يفتعل مشاكل المهم اني رجعت فتحت الجهاز اللي ذاك اليوم كشفته معاه فاضيه وكمان ابغى اقرا الاشياء عشان اكرهه اكثر يابنات مسجل في كل برامج التواصل وهو قدامي ماعنده الا الواتس كان يقول ماعندي حسابات آه يابنات تخيلو لقيته مخزن رقم وحده من زميلاتي شكله كلمها وكمان داخل برنامج دردشه وحاط صورته الحقيقه مستعرض بها واسمه بس هو اللي كذب فيه الباقي كله يقوله صح وكل ماكلمته وحده قال انا حاجز كباين اذا بتجي انتي وصحباتك تنورو وكمان وحده قلها 
تعالي الكباين انا وصاحبي ******* كلام وصخ طبعا ووحده تبغى تستأجر شقه هي وصحباتها قال لها انا مستاجر في شمال جده لو تبغي اشوف لك شقه بجمبي قالت ماابغى العقد باسمي قال انا باخذ العقد باسمي بس لاتسوو لي مشاكل
مشاء الله عليه يفزع مع بنات الشوارع وترى انا ماادري عن هذي الشقه مررره يابنات الا يوم قريت المحادثه وحده قال لها نفسي اتزوج بس الظروف ماتسمح مفهمهم انه مو متزوج ويجيب لبنات وظايف من عند اصحابه وربي اني ابكي بكا حرق قلبي يابنات انا كلمت استشاريه وحكيتها قالت لي ابدا لاتطلعي هالاسبوعين خليك في بيتك لان قلت لها عندي دوام وبخلص بعد اسبوعين قالت لو طلعتي الحين رح تتأثري بس انا اهم شي انتي ابغاك تطلعي من بيتك بأقل الخسائر النفسيه اول حاجه قالت لي اهتمي بنفسك اعتبريه موو موجود سوي اكل جاء اكل اهلا وسهلا ماجاء خذي كلي وحطي الباقي ف المطبخ 
قالت لي تشيكي ع الاخر وحسسيه انك مبسوووطه مره 
وانه ماهمك ولاتضعفي وتترضيه والا تسأليه ايش فيك خليه بدال ماتنشغلي انتي تفكري فيه خليه هو ينشغل يفكر ليش انتي تغيرتي كذا وايش تفكري فيه وايش بتسوي قالت لي لو استمريتي كذا انتي من نفسك رح تكرهييه قبل تطلعي ورح تطلعي وانتي بكل قوتك انه مايستاهلك وقالت  لما تخلصي دوامك خذي اشيائك المهمه وخذي ملابس ولاتقولين له انك ماعاد بترجعي خليه يقعد يفكر روحي بيت اهلك واكتبي له رساله عن كل الاشياء اللي شفتيها لانه هو الحين يابنات مايدري اني رجعت فتحت الجهاز وشفت المحادثات ذي ولايدري اني شفت رقم زميلتي مخزن عنده 
بس وقالت قفلي جوالك ولاتنتظري منه رد هذا ماينبكي عليه خليه هو اللي يندم انه ضيع وحده زيك وربي بيسطفل فيه وهذي نهايته وبدايتك انتي في حياه اجمل لاني قلت لها انه 
عنده مشكله ف الانجاب ولايمكن يصير حمل الا بأطفال انابيب وانا سليمه مافيني شي 
قالت يمكن هذي الدوالي وقلة الحيوانات المنويه عقاب له من الله عشان اللي قاعد يمارسه 
قالت لاتفتحي معاه مجال للنقاش لان الموضوع اكبر من انه تناقشي والا تعاتبي هو ماضربك كف هو خانك والموضوع مو بسيط ولو حاول وانتي رايحه يفتح الموضوع قالت لاتعطيه وجه 
وانا يابنات قلبي محترق والله امثل اذا صار موجود واذا طلع اجلس ابكي انهار ليه سوا فيني كذا 
ليه كل هذا وليه مسترخص نفسه لذولا البنات وحده منهم صورت يدها معطيها باقة ورد في سيارتنا 
احس انخدعت فيه حاسه بقهر وندم وكل المشاعر السلبيه مااعرف حزينه ادعو لي بس ربي يمسح على قلبي ويعوضني باللي يقدرني ويعزني 
لان هالشخص اذا طلعت ماعاد انا ناويه ارجع له .. ادعو لي وبس ..