أهلين آهات شوفي أنا طلبت منه أروح لأهلي عشان ارتاح ومع اني متواصله معاه بس فعلا صعب مع العيال أحسهم تشتتوا ويبغون بيتهم واستقرارهم
وحملت أهلي المسؤوليه لذلك قلت برجع بس لأني مو قادرة أظبط مشاعري حاليا طلبت انه ارجع للعيال لحد ماتهدأ نفسي لأن إذا بينكم علاقة غصب تسألين وتطالبين بحقوقك أما إحساسك إنك جالسه لعيالك يخليك ماتدخلين فيه كثيير


فأنتي اطلبي منه فترة محددة لحد ماترتاح نفسك إذا هذا يريحك لأن بعض الحريم اذا ابتعد تتعب والطلاق آخر الحلول وفهميه انكم ببداية المشوار والمرأة تحتاج سنة الى سنتين عشان تتأقلم على الحياة الجديدة


واطلبي منه يداري أموره بالكتمان أي شيء يتعلق فيها لايتكلم قدامك لأنك ماراح تتحملي


يعني موقف يوم يحجز موعد الشيخ قولي تقدر تحطني بالبيت وترجع تسوي اللي تبي ماراح أعرف
قوليله أجلس لعيالي بس تقدر غيرتي وماتحاول تثيرها




وصدقيني حاليا الطلاق مو في صالحك حامل وعيالك أخوان من أم صعب تكررين تجربه أخرى وصعب تقومين فيهم لحالك وهم صغار والرجال مو مقصر
بس خذي فترة راحة والله يهدي سركم ويجعلك قرة عين زوجك ويجعلك في قلبه كمحبة عائشة رضي الله عنها في قلب نبينا محمد صلى الله عليه وسلم

كان الله في عونك اختي بس اشوف ان الطلاق مو في صالحك.. استعيني بالله .. كلما يصير بينكم اي مشاجرة استعيني بركعتين اشكي وابكي فيهم رح ترتاحين ونفسيتك بعد بترتاح

غريب امرك جايك وكسر كبريائه خاصه انك سبب الزعل ومازعلك وغلطتي عليه بانك ماتسوى ماطى رجل عيالي وفوقه مطنشته وهاجرته ولاتكلمينه ولا حتى تعذرتي عن خطاك


ومع هذا جاك هو وهو مغلوط بحقه وخيرك بان الهجران هذا والتطنيش ماهو حل وكانكم مانتم عايشين بيت واحد كل واحد بحاله وفوقه حاس انه يتعذب وحاس فيك انك تعذبين


ويبي حياه مثل اي زوجين مع بعض ومتشاركين


وعشان مايظلمك عطاك الخيار ماقرر هو ترك لك القرار وبعدك مكابره ومتردده وش اللي يرضيك ابي افهم


ماعليش بكون قاسيه شوي ليه كل هذا عشانه تزوج بقلب حياتك لجحيم وكانك من تصرفاتك تقولين ترى بتفقدني طالما انت معها


هو ماقصر قبل فيك بعيالك وهو عزابي وتحمل مسوليه عيالك ويوم اعرس قلبتي عليه حياته نكد ليش الانانيه خاصه انه مايل لك


وحرمته من اخذته وهي تمرض


اجل لو مايل معها وهي بكامل صحتها وش تسوين !


اصلحي نيتك وتمني لهم الخير ونار الغيره والحقد والكرة ماتحرق الا راعيها


نقي قلبك حتى الله يطفي نارك

مالك الا الصبر
اجلسي ببيتك ومع عيالك وتغاضي عن بعض الأمور
فكري بالطلاق مليون مره ترا الموضوع ماهو سهل

الله يصبر قلبك
ان ماقريت موضوعك الاول بس اهدي واستغفري ترى ما احد يستحمل عيالك الا ابوهم وبعدين خذي فتره راحه وارجع لها وغيري حياتك خليها جنه كلها حب وكلام ودلع لا تهدمين بيتك بيدك ان شاء الله يرجع لك