مستجدات موضوعي (أكتشفت أشياء صدمتني)

السلام عليكم ي سكراات بحكيكم ايش سار معاي بس هالمره ابغا نصايح عشان اتغيييير من شخصيتي وارضي زوجي


امس طبعا قلت لكم اني بطنشه واهتم بدراستي وبطلعه من راسي ، رجع البيت الليل وانا مررره ساحبه لا كلام ولاشي هو يتكلم بالضروريات وبس انا انقهرررت لاني احبه رغم اي شي وقلت بدعس ع اي شي ف قلبي ضده وبحاول أصلح الموضوع

جلس شوي وبعدين قال رايح انام وفعلا راح ونام

انا طول الوقت افكر انه انا الي بزعل لاني سمعته يهرج بجواله ويقول ما اقدر اتكلم افتح الواتس وقفل الخط يعني المكالمه تجيب الشك

قلت الحين بطنشه وهو يجلس يهرج بالجوال مع مين مني متاكده اذا بنت بس من الاسلوب واضح يعني

وجالسه طول الليل ع نااار ابغا افتح الموضوع ابغا اهرج ابغا اعرف مين له حق يزعل وليش هو يكلم ومين ولو انه زهق مني عشان الدراسه وانشغالي بالماجستير بقوله خلص بتركها عشانك ( على فكرة هو يبغاني اكمل الدراسة ) بس مو تلعب عشان ترضي نفسك وانا برجع اقولكم ما اتاكدت بس في شي ثاني انه زوجي دايمن يهرج قدامي سواء مع اهله او اصحابه وهالمره لمن شافني خاف وراح غرفه ثانيه لحقته لبس ثوب وطلع وثواني ورجع يعني مره متغير تصرفه مو بالمعتاد كذا يتكلم بالجوال بهالطريقه



المهم تخيلو والله بتضحكو امس الليل بتوقيت امريكا لانه انتم نهار الساعه 3 الليل جلست اتكلم بصوت عالي عند راسه اقولع اكرررهك ليش تشوي كذا حرام تعذبني سنوات واحنا مع بعض تقوم تكلم من ورايا وجلست ابكي واشهق قمت دفيته هههه
وصحى من النوم مفجوووع قال ايش في قلت قوم فهمني حرام عليك محروقه قال وقتك ابغا انام قلت ما تنام بنت اللذين عشان تكلمها تقوم الصبح وتغفلني وانا حلالك تنام قوم اصلا حرام النوم وانت عاصي الله ذا كله وانا اشهق قام قال شوفي الصباح رباح قلت مو تطنشني الصبح تتكلم وتقول كنت تكلم مين قال انخمدي فجعتيني :huh:

الممهم صحينا وانا ف نيتي لله عز وجل اني ابغا اصلح و قلت بتكلم من حب وانسى هرجه التلفون لاني مامسكت شي ولمن افتش مالقى بس قلبي مش مرتاح المهم تخيلو من 7 صبح وانا احاول معه يقول شي مو راضي بنات يتكلم ببرود ذابحني يرفع ضغطي مايعطي وجه يقول انتي تقولي ماورايا خير اجل خلاص طلباتك ونفقتك كالعاده موجوده بس مو لازم نهرج ونتكلم ولا حب ولاشي دامني انا الظالم قلت انا مااتحمل كذا انا مو عايشه عشان مصاريف انت اذا جات ع المشاعر ربي محللك 3غيري بس انا من لي انا بتكلم لاني مني بايعتك ( هو دايمن يناقش اي مشكله بس هالمرة جرب اسلوب الطناش )

( عشان اوضح الفكره هو قال ظا لم لانه مثل ماذكرت بمووضوعي انه لمن يعصب يسب ويضرب وانا عشان ماظلمه مرتين رديت السب والضرب ماتتحملت (

المهم قلت والله اعتذر لك اعرف اني قللت احترامك بس انت كمان ماقصرت قال برضه عيب وماعيب
المهم انتهى الموضوع انه خلاص نرجع حبايب

بس قال لا تدخلي ف خصوصياتي وتفتشي وانا غيرت الرقم السري عشان ما احب اكون في موضع شك فيه وتجلسي تحاسبيني قلت ريحتني اصلا ماحمسكه ( ترا كان يسمح لي عادي امسك جواله بس بعد مو قف امس غيره الرقم )
المهم قلت اوكي وقال لي بعض الشروط الي اذا شافني تغيرت فيها بيكون بتكون نفسيته مرتاحه

اول شي قال ابغاكي حياااااويه الخجل ينقط ويمشي وراك
( قال كذا عشان لنا 6سنوات متزوجين واشياء كثيره سرت عادي اذا قال كلمه ردييت باقوى واذا عصب ابرر موقفي واوضح اني ماغلطلت نفسي احد ينصحني هنا لاني بجد ماكون غلطانه في اي موقف هو معصب عليه وهو يبغاني اجلس البنت الخجوله كيف اوضح احترامه هنا بلييز. انصحوني ؟؟ ماعرف اسكت لمن اكون مو غلطانه وهو معصب

و

قال تكوني خجوله ومحترمتني مره ما تناقشيني اذا طلبت منك الطاعه واذا ماعجبك شي اتكلمي بصوت واطي واسلوب
( طيب كيف ارجع اخجل وكذا دلع وحركات 7 سنوات احس كاني امثل بس اسمع عن حريم رغم طول الفتره ماشاءالله الدلع والخجل يقوطر ويتقطر تقطيراا ع قولهم عاد تعالي واعطيني كذا نصيحه تفتحني شويه

وقال ما ابغا ميانه زايده ( هنا مافهمته ولمن قلت وضح قال بنفسك افهميها وعاد سويت اني فهمت ومشي

وبس وانتهت الحتوته ابغا من جد اصير خجوله واحترمه بس مع ضغوط اليوم والدراسه وبنتي مالي خلق لنفسي مو لغيري كمان
ماعرف اتتصرف وانا هنا جيت ابغا نصيحتكم لانه اكيد في منكم الي هي فعلا كذا تتعامل مع زوجها بخجل وماعندي مشكله حتى لو امثل عليه بس الحمدلله نيتي لربنا مش له .

وهذا رابط موضوعي اللي قبل
http://forum.hawaaworld.com/showthread.php?t=4125168

وعسى ربي يوفقني ف الدراسه ابغا راحه بالي ❤️