مستجدات موضوع تأنيب الضمير تاعبني

اشكر كل اللي رد على موضووعي الاول وبخبركم اللي سار راحت صديقتي لزوجها اليووم بعد المغرب وجهزت قهوه وجاء تقهووى وفتحت معاها المووضوع قالتله اسمع انا سمعت نووضووع وبتأكد منك ونكوون واضحين بدوون لف ودووران انت تبي تتزوج فلانه وتسعى في طلاقها من اخووك اذا عينك عليها واخووك مريض فانت قليل اصل ومالك خاتمه قالها لاتغلطين انا بعلمك المووضوووع وافهمك السالفه هي امها دقت على امي قالت انه الدكتور قال بالزياره الاخيره لهم ان زوجها معاد فيه منه امل وان وضعه بالنازل مجرد اجهزه مشبووكه فيه لو فكووها مات وبنتي شابه ولها 3 سنوات صابره بس خلاص معاد تبي تصبر واحنا نبي تجي منكم تطلقوونها منكم وبناخذ بنتنا يقوول قالت لها امي معاها حق واحنا ولدنا ندعيله ونسأل الله له الرحمه وعلى كلام الدكاتره قومته معجزه من المعجزات ونسبه شفاءه غير متووقعه واذا تبي الطلاق تطلق بس عيالنا بناخذهم انحرمنا من ابووهم مانبي ننحرم منهم وبنتك لها 12 سنه عندنا ماشفنا منها شي والله يستر عليها قامت الحرمه قالت لها ان كان تبوونها عندكم ياخذها عمهم يربي عيالها مع عياله وتكمل حياتها ببيتكم زوجه بنتي ماتبي تجلس بدوون زوج وماعندها مانع تاخذ اخووه عشان عيالها يقوول وجات امي قالتلي وبكت عندي وقالت زوجتك بنت حلال وطيبه ولابترفض وهم يعرفوون بعض بتزعل بالبدايه ونراضيها باللي تبي بس لاتفرقنا وقلتلها افكر واشووف والحرمه ماهي في بالي ولمن قلت نسافر بالاجازه والله كنت ابي اجرب اتقبلها اولا لاني ماني قادر اتقبلها زوجه بس قلت اجرب نفسي واشوف ايش بقدم عليه ولمن شفتك مو متشجعه ماصدقت جات منك وكنسلت السفره وذي هي السالفه انه هي وامها اللي يبون كذا وانا رجال عاقل وجالس افكر ايش هي المصلحه بس انتي مين قالك تقوول علمته انه وحده من عايلتخا قابلت صديقه لي وقالتلها يعني هم ناشرين بعايلتهم انه انت تبي تطلقها من زوجها وتتزوجها عشان عيال اخووك قال انا ماقلت وباقي ماسعيت لاباوراقها ولاسويت شي جالس افكر بالمووضوع ولا أخذت قراري ولاني خاين ولاعيني زايغه اخوي بين الحياه والموت وانا افكر بزوجته ليش انا حيووان وحلف لها ايمان تقوول زوجي ملتزم ويخاف الله مستحيل يحلف كذب...تقوول كلامه خلاني ابكي وابكي وانحشر الكلام بحلقي معد عرفت اتكلم او اقوول شي كيف يخططون على زوجي تقوول قام قالي انتي لك الحشيمه وام عيالي ولا افرط فيك لو ايش وان انحديت لشي يعلم الله انه غصب علي وعشان امي وعيال اخوي اللي مالهم غيري وقالها سكري المووضوع ولاعاد تفتحينه وانا لاقلت بتزوجها ولاشي والله ما انظر لها الامثل اختي وصدقيني عمري ما اسووي شي من وراك كيف ابيع عشره 16 سنه .....عاد لمن قالتلي صديقتي وكانت منهاره انا قلت ليكوون انا ضلمتها وان الكلام ذا من راس الحرمه اللي قالتلي بهرت المووضوع قمت اتصلت على زوجه صديق زوجي وقلتلها انه خالتك قالتلي كذا وكذا والسالفه قلت لها انا اخاف انه يكون فيه زياده اوشي وانا نكبت الحرمه قالت لا ماعليك انا بعد اقوولك انا اعرف الموووضوع كامل وامها اللي قالت لامي وخالتي بجلسه انا فيها ان بنتي عم عيالها جانا وقال انه بيطلقها من زوجها ويتزوجها ويضم عيال اخووه مع عياله ويربيهم قلت متاكده قالت وعادي اتركي خالتي انقلي باسمي انه صدق انها سمعنا كذا من امها ان هو اللي جاء عندهم ......هلحين مدري مين الصادق ومين الكذاب بس بكل الحالات صديقتي فتحت عينها وفهمت الموووضووع....والحمد الله عدت على خير بذا اليوومين تعبت نفسيا بشكل فضيع توبه مالي دخل بالناس الله لايجعلنا ضالمين لاحد وتصيبنا دعووه بمسك لساني ومالي دخل درس من دروس الحياه......