مستجدات يوم طردني زوجي وشلت البطانيه على راسي

اخر رد لي على موضوع يوم الطرده العظيم
قلت لكم كلمته وعاتبته وتصالحنا والرجال كأنه تندم
امس في اليل رحت انام في غرفتي واشوفه يوطوط
عند الباب وده ولا وده وقوم انقز وامسكه
ودلعه ويالبيه واغنيله
انورة بقدومك الدار يالغالي
وسفرت من عقب ماعاد غايبها
قام يضحك وقال خلاص ترا بروح انام في المقلط
تعرفون الرجاجيل اذا خققناهم زياده وش يصيرون
وش نسوي لازم نصبر عاوزين ناكل عيش
ودنا بالطيب بس الدهر جحاد طيب
كل ما تخلص مع الناس كنك تغشها
يدك لامدت وفاء لاتحرى وش تجيب
كان جاتك سالمه حب يدك وخشها
شعر سعد بن جدلان
تجي على بالي دائما واحب ارددها
الرجال يحتاجون كل فتره لتعزيز المعنوي
والكذبي انتي الغالي الحبيب وانت الذيب والاسد
وانا بدونك اضيع واهيم على وجهي في الصحراء
والمادي هدايا او اكل يحبه
ويحتاجون فرمته لمخهم واعادت بناء البنيه
التحتيه.. طبيعتهم ينطبق عليها السهل الممتنع
الخلاصه الرجال تشقق ونبسط ونام جانبي
على السرير له تقريبا ثمانيه شهور ينام لحاله
في المقلط ..حسيت اني عروسه من جديد
نمنا بس الرجال ماش يتقلب سفهته بكره يتعود
ينام عندي شوي ولحاله شوي وانا في قمت النوم
وقوم على كلامه يحاكي نفسه يقول انا وش اللي
جابني انام هنا او هي جابتني انام
وش هذي المصيبه اللي حلت على راسي
ههههههه. مهو مرتاح
قلت وش فيك قال مافيه شي نامي بس
نمت وتركته خليه يكلم نفسه لين يشبع
لازم يعود نفسه عنده زوجه ولها حقوقها
وحتى لو فيه جنيه لازم الجنيه تعرف انه تزوج
ولي حقوق عليه وهي تروح لجنها تعرس عليهم
نمت بعدها وحلمت حلم غريب
اشوف حيه سووووود طوييييله وراسها صغير
ملتفه حولي وانا ادور راسها امسكه عشان
ما تلدغني ومسكت راسها وضغطت عليه
واشوفها تفتح ثمها اخر شي وانا اضغط بقوه
وادور سكين اقطع راسها واخذت السكين
حاااد وضربه وحده ويطير راسها بعيد
ويطيح جسم الحيه على الارض كان ملتف على
جسمي واشوفه في الارض يصغر يصغر
كان كبير ومنتفخ واشوف راس الحيه يتحرك
ويناقز بسرعه في كل مكان خفت يعضني
وعندي كتب منثره في الارض واخذ كتاب اخبطها
وتنحاش ورمي عليها الكتب واخر شي خبطتها بكتاب
وفغصتها ثم ضغطت على الكثب عشان تموت
واشوفها انفغصت و طلع ماده سودا
مثل الزيت ساح على البلاط
وانتهى الحلم