صباح الخير يابنات حواء أخباركم....إن شالله كويسيين.....
انا يارب لك الحمد والشكر أحس إني طيبه ومبسوطه دايم تدرون ليه لأن املي وثقتي بالله كل يوم والثاني تتجدد ....ابعطيكم نبذه عن وضعي...انا صارلي متزوجه سنتين وعشر شهور يعني قولن ثلاث سنوات ألا شهور...زوجي طبعا" متزوج وعنده عيال ماشالله.. أنا مالله كتبلي الحمل رغم كل شي فيني سليم يعني رحت لكذا دكتوره ولكذا حرمه ويقولون سليمه وكل شي زي الفل بس ربي وربكم ماكتب هالنطفه تتكون في رحمي وتكمل سبحانه...لأني حملت وسقطت المهم مالكم بالطويله. مره من المرات تأخرت الدوره عني وفرحت مره ورحت جبت تحليل منزلي وحللت وطلعلي خط خفيف والله يابنات اجيكم ركض بهالحمام وفكني الله ماتدربيت وخبزت خشتي قبل مافرح وكنت ابروح اببشر امي وبعدين ركدت شوي واناظر واناظر الخط اختفى او بمعنى اصح طار واروح اشري بذاك اليوم سبع تحاليل الغالي والرخيص وكل النتايج سالب ومع هذا لبست عبايتي وعلى المستوصف واسوي تحليل وقالولي مافيه حمل ...عاد ذاك اليوم دوروني ماتلقوني صياح وضيقة صدر ووساوس تروح وتجي يعني خليت ابليس يتقهوى ويفصفص فوق راسي وانا ابهبه راسي بهالهواجيس ...استغفر الله يارب لاتعاقبني....المهم واصحصح شوي واهش ابليس من على راسي وافكر واقول الحين مين اللي بيده الحمل انا ولا زوجي ولا الدكتوره ولا الحرمه ام عبدالله ولا ام حمود...وافكر واستغفر واستغفر واصليلي ركعتين واتعوذ من ابليس وطلبت من ربي إنه يغفر لي ويسامحني على هالتفكير ومايجعلني من اللي يسخطون ويجزعون.....ومن بعدها لاجتني الدوره قلت الحمدلله جتني هالشهر إن شالله ماتجيني الشهر اللي بعده واكون حامل وتجيني الشهر الثاني واحمد ربي واقول إيه الحمدلله مالله كتبه لي هالشهر,,, والله يبنات إني على هالحال والحين الدوره متأخره عني ومع هذا اقول إذا بتنزل الدوره فيارب لك الحمد والشكر وإذا إنه حمل ياالله يارب إنك تثبته,,,,,,,,,, يعني ياالغاليات والله والله اللي تيأس من ربي ومن رحمته علينا اقولها انتبهي ترا كذا تعطين مجال لبليس يلعب بتفكيرك وبيزيد همك هم وراح تنكدين على عشيتك وعلى اللي معك ,, وصدقوني ياخواتي إن كل يوم والثاني املي بربي يتجدد وكل يوم أقول يارب أنت بتفرحني فاأنا راجيتك إنك تفرح قلب عاجلا" غير آجل وتفرح كل محرومه يارب بالضناء.......
واعيد وازيد ياوخياتي ربي كريـــــــــــــــــــــــــــــــــم ورحـــــــــــــــــــــــــــــــــــــيم لا تيأسن لاتيأسن إن بعد العسر يسر إن بعد العسر يسر
وماعليش وانا اختكن هذريت عليكن شوي بس تحملنن ماراح اعودها واكتب موضوع هنا ...ولا قولن أمين إني راح اكتب لكم موضوع وابشركم بحملي قولو آآآمـــــــــــــــــــــــــــــــــين:26::26:
وعلى فكره يابنات قبل ماأختم موضوعي اخر دكتوره قالتلي انتي اللي سببتي تأخير بحملك قلتلها ليه؟ قالت: متفكريش يبت بالحمل روئي واشغلي بالك بحاقه تنيه !!!!!! شفتو يعني خلونا نحط حرتنا برجالنا هههههههههههههههههه.....يلاه مع السلامه ابنهض ابصلي
<<<< ربِ لاتذرني فردا" وأنت خير الوارثين>>>>
سامية نجد @samy_ngd
محررة فضية
يلزم عليك تسجيل الدخول أولًا لكتابة تعليق.
قبرص المحبه هلابك والله...... والله اقولها صادقه كذا مره اعبط خشتي لانزلت علي الدوره وانا مأمله بس تقدرين تقولين بدا قلبي يطلع واركد هههههههههههههههههههههههههههههه
يعني ابشرتس صرت حرمه...عسى الله يفرح قلبتس وقلب كل محرومه
يعني ابشرتس صرت حرمه...عسى الله يفرح قلبتس وقلب كل محرومه
هالة
•
ياحليلكم كلكم من سنتين وثلاث ..................أنا أحسن منكم...........أنا لي 11 سنه.............
إيش رايكم؟؟؟؟؟؟؟؟؟؟؟؟؟؟؟
لاتنسونا من الدعااااااااااااااااااااااء....
الله يرزقكم يالغاليات ويفرح قلوبكم................
إيش رايكم؟؟؟؟؟؟؟؟؟؟؟؟؟؟؟
لاتنسونا من الدعااااااااااااااااااااااء....
الله يرزقكم يالغاليات ويفرح قلوبكم................
ياقلبي يابنات والله اني حاسه فيكم
قولولي طيب وش فيكم حللتوا طلع فيكم شي لاسمح الله ولا كذا من الله
الله يرزقنا جميع
قولولي طيب وش فيكم حللتوا طلع فيكم شي لاسمح الله ولا كذا من الله
الله يرزقنا جميع
الصفحة الأخيرة
بصراحه صادقه انا تقريبا مثلك لي سنتين وشهرين وماالله كتب لي
وربي اني اليوم متضايقه حدي حتى زوجي لاحظ ويسالني ونام ياعمري وهو متضايق لاني
ماقلت له وش فيني
بس بصراحه كلامك شجعني وخلاني اتامل بالله خير والحمد لله على كل شي
الله يرزقنا ويرزق كل محرومه ياااااااااااااارب