مستحيل أتزوج بدوي

عيب أتزوج جنوبي

ما بقي إلا أتزوج قصيمي

معيوفه عشان كذى متزوجه حضري

عادات موجوده وملموسه وملاحظه
ومعايشه في مجتمعنا

ممكن تعنس الوحده
وممكن يشيب الواحد
وهم ماتزوجوا عشان العادات


الحين فيه تغيير
وفيه مرونه شوي

قبل تجاوبين فكري
انت بدويه جاك عريس جنوبي لبنتك توافقين؟

إنت جنوبيه جاك عريس يدوي لبنتك توافقين؟

معلومه لغير السعوديات الحبيبات
( البدوي ما أقصد الي
ساكن في الصحراء والخيام)

للوضوح والمصداقيه
شفت بدويه متزوجه جنوبي
وصايره هذي السالفه زي
المسبه لها.

هل حلو سمننا في دقيقنا!
ولا هذي عادات وقفت نصيب
البنات!

طيب وش العادات الي
ممكن تنصدم فيها البنت
لما تتزوج من غير قبيلتها
غير سالفة اللهجات؟

حلو الإنفتاح الإجتماعي
بالزواجات الي تمتد
لبرى المدينه والقبيله
ولا الأفضل الخصوصيه
القبليه في الزواج؟

ليش فيه ناس مستحيل
يغيرون هذي النظره؟

هل وصلنا لزمن إن البنت
تجيب العريس لين بيت أهلها
من غيير ماتقول انها تعرفه قبل
ويكون خارج نطاق الأصل والفصل!

الشي الوحيد الي باقي
وانا أأيده هو سالفة الأصيل
وليس الأصل.

لأن التخلي عن الأصيل والأصيله
يضيع الأصول كلها.

نظرتك وشي حول ما سبق