مستحيل يلتمس لك عذر على اهمالك لنفسك .. بسبب حالتك النفسية ...

السلام عليكم
مستحيل يلتمس لك عذر على اهمالك لنفسك .. بسبب حالتك النفسية

(هذه كانت غلطتي) وانتبهت لها
واكيد الكثيرين يغلطون هذي الغلطه


انا من النوع اذا اتضايق اوقف الدنيا
لا احب اكل .. ولا اقدر انام .. واشيل هم على قلبي .. والشيب يغزي شعري .. وفي نفس الوقت اهمل نفسي ..
يعني اخذ شاور وامشط شعري واقعد خلاص .. مو مهم اغطي الشيب ولا مهم اتزين او البس لبس حلو .. اي شيءالبس وخلاص
وانا وزوجي دايما في مشاكل واهل زوجي
والنتيجه وقت الي نرجع مع بعض من بعد الخلاف
صارحني .. اكثر من مره .. ليش انتي بهالصورة كأنك عجوز
ماتغطين الشيب ولا تتزيننين ووجهك عبوس دائما
مو كبيرة بس كأنك اكبر من عمرك بكثير


انا من الغباء كنت ارد عليه هذا الرد ( من مشاكلك .. كارهه كل شي .. مايكون لي خلق اي شي .. )
ومستحيل يلتمس لي عذررررررررر مستحيل ... مايحسون
وانسى الموضوع ولا افكر فيه
بعدين صارت عندنا مناسبة وكشخت .. شي بسيط وكنت بستايل ناعم .. انصدمت من ردة فعله ... كان مبسوووط شايفني كاشخه وعلى كثر ما كان يذمني .. جلس يمدحني
وقال لي الواحد اذا شاف حرمته متزينه يزيد حبه لها


ومن يومها صرت اعتني بنفسي وفعلا لاحظته تغير معاي من هالناحيه وصار يحب شكلي


حتى اذا تزاعلنا استمر ولا اهمل نفسي ..
حبي نفسك .. عشان يحبك ..


يمكن بعض الاخوات لهم وجهة نظر تختلف
لكن اتكلم من واقع تجربة هالشيء فعلا مهم عند الزوج