لامار 2005 :

كلااااااام مونتااااااز يا رماح دينيه والله انك جبتي المفيد يعني لازم فائده مرجوه من الموضوع ليش مالنا حق نضحك .. نعلق .. نستهبل ونعيش جو الوناسه شوي والا لازم تكون مواضيعنا اللي فيها فائده تنحصر في زوجي قال زوجي فعل زوجي قام زوجي نام والا طبخت وعملت ولا شوفوا ترتيبي لمدري ايش الله يسعدكم ويعافيكم ويسلم ايدينكم على مجهوداتكم اللي فعلا ساهمت بتغيير عضوات كثير وبرضه من الناس اللي يجون يقرأون ويطلعون بس برضه ولنفسك عليك حق خلاصة الموضوع >>> ما بغيتي يا بربااااره ان الاجازه للوناسه هههههههههههههههههههههههههههههه

كلااااااام مونتااااااز يا رماح دينيه والله انك جبتي المفيد يعني لازم فائده مرجوه من الموضوع...

رماح ردينية :

أكمل معاكم هالجزء......... قالت قرناسة:دكتورة خرافة من أول الليل وإحنا نهذر فوق راسك.. خرافة:ماتسيرون نسوان لو ماتسوونها!! قرناسة:وانتي ماقلتي لنا شي عن نفسك.. خرافة:إعطوني فرصة وأنا أغرِّد!!! قرناسة:بأبدأ معك بأول سؤال! خرافة:وأتمنى يكون الأخير!!(والحريم يضحكون!) قرناسة:كم عندك من العيال؟!! خرافة:محد يعولني أنا أعول نفسي!!أطيح بوسط هالمخبل اللي شرواكم وأعطيهم كم نصيحة وآخذ المقسوم!!!!! راحت عالية وأقحمت نفسها بالسالفة وقالت:يادكتورة مافهمتي قرناسة!!قصدت تسألك كم بزر عندك؟؟ خرافة باستهبال: الأخوات مضيعين؟!!! أنا فاتحة مكتب استشارات..مو حضانة بزارين!! قالت نبيهة:يادكتورة هم يقصدون يقولون لك كم ولد جابه بطنك؟!! خرافة:إيييييييييه!!ولاولد!! نبيهة (أم النباهة): طيب كم بنت؟؟ خرافة:ولاااااااااااااا بنت!! قرناسة: وااا عليـــــــــــــــــا!عقيم يعني؟!! خرافة بتضايق:العقيم.. بطن العدو ان شاء الله!! قرناسة: أجل سقيم؟!! خرافة: السقيم ..عقل من كفر وضيع دينه!!! نادية:طيب مافهمنا مادام لاولد ولابنت ولاعقيم أجل شالسالفة لغز يعني؟؟؟؟؟؟؟؟ خرافة: والله مدري عنكم خبرتم المرة تحمل من غير رجَّال؟؟!! قالت نبيهة:إيه عادي.. فيه!!! قالت خرافة:بسم الله الرحمن منهي هذي؟!! نبيهة: أم النبي عيسى عليه السلام!! قالت خرافة:هذي معجزة من الله...وحالة مستثناة أنا قصدت في الواقع بأيامنا هذي سمعتوا بحرمة تنجب من غير زوج؟!!! قالت مناير:بنات الحرام كثير الله لايبلانا!!! صاحت خرافـــــــة:يمــــــــــــه منكم أقطِّع هدومي؟!!أنتف شعري؟!!والله لو تفحطون ماجبتوها!!! وجات تماضر قريبة خرافة توضح الموضوع قالت خرافة:لاتقولين شي بأقرب الصورة عساهم يفهمون!!! قالت تماضر:ياحبك ياخرافة للف والدوران قوليها من الآخر...ياجماعة الخير دكتورة خرافة مو متزوجة!!!!! عالية:وااااي ياعمري تطلقتي؟؟؟!! خرافة تطالع لتماضر وتقول:ماقلت لك لو يفحطن مايجيبونها!!! قالت عالية:أجل مترملة!!! خرافة:الحقيقة إني مترملة برمل وتراب من يوم إن حظي رماني مع شلة الأنس هذي!!!! وعلت الضحكات المجلس...لإن الكل يدرون ان أسلوب خرافة مع عفاشته!! إلا إنها ماتقصد التجريح!! قالت خرافة بصوت يشبه الزئـــــــــير:ياعالم أنا بعـــــــــدي بنت ماتزوجت!!!!!!!!! وانتشرت شهقات الاستغراب بالمجلس!! قالت رملة:يووووووووه عانس؟!! خرافة: خيـــــــــــــــــر؟!وشفيك قلتيها بقرف فيني جرب يالحبيبة؟!! رملة:لا بس غريبة محد خطبك لين الحين؟! مع إن فيك ملح! خرافة:ملح ياأم ملح؟ إلا أنا السكر كله بس للأسف ماحولي ذباب!!! نادية:أجل وش قاعدة تفتين له من الليل يوم إنك ماجربتي الزواج؟!!!!!! عالية:وليه ماتزوجتي للحين فيك عيب؟!! خرافة:وشفيكم قمتوا علي بشراع ومجداف؟ وبعدين الحمدلله الزين عندنا والشين حوالينا!! أحد قال لكم إني مهبولة أروح أتزوج؟!! من شاف مصايبكم وسمع بلاويكم عافت نفسه ريحة الِرجال!!!!!!!!! قالت قرناسة: ياحليلك! عجزتي تحلين مشكلتك وجاية تحلين مشاكلنا؟!!!! خرافة:تتشمتون يالساحرات؟ جايتكم بالحكي!! المثل يقول:يالاه يالاه يالالالا..يالا يالا يالاه ياحظ من بكاني:icon33: ولاضحَّك علي الناس!! الحريم:مافهمناك! خرافة:وإنتم من متى تفهمون يامال العافية؟!أهاليكم يزوجونكم لأجل يسترونكم..ولكن الفضيحة عند بعض النسوان تجري مجرى الدم!! فضحتونا فشلتونا مشاكلكم مع أزواجكم حطيتوها بث مباشر على البرامج الفضائية خطوط التليفونات بتحترق من كثر الاتصالات+المنتديات صارت يوميات لبعض البيوت..زوجي فعل وزوجي ترك+مكاتب الاستشارات زاد عددها+السحرة تضاعف عددهم الله لايربحهم قليلة الدين منكم تروح لهم تبي زوجها يحبها بالغصب ومن فوق خشمه!!والمجلات والجرايد صارت مليانة بمشاكلكم..لعنبو ابليسكم ماخليتوا تقنية مااستغليتوها في النم والحش والشكاوي...حليل أزواجكم وياكثر حسناتهم من ورا هذرتكم فيهم!!! نادية:عاد لاتتشمتين..بلاك ماجربتي اللي إحنا جربناه ولاذقتي اللي ذقناه من وجيه النحس اللي عايشين معاهم!! خرافة:وماحد ناحسهم إلا انتم!هالحين رجالكم كلهم عيوب وإنتم السنعات الكاملات؟! نبيهة:ايه..ليش ماتصدقين؟! خرافة:ماأصدق..لأن مافي بشر خالي من العيوب ..كلن يخطي..وكلِن عقله براسه ويعرف خلاصه! قرناسة:ياويل ويلي ويلاه!تبينا نتطلق؟!! خرافة:وإنتم الخلاص عندكم محصور في ..كلمة الطلاق؟! تماضر:حبيبتي خرافة..هذول ربيعاتي وأعرفهم زين..إن ماحبوك..سبوك وربوك!:mad: لذا قوليلهم كلمتين تبرد الخاطر وتنفعهم.. خرافة:ترى ياأخواتي العزيزات..الزواج نعمة.. قاطعتها رملة:علمي نفسك!بلا نعمة بلا خراط..حاطة يدك بماي بارد وتقولين مالاتفعلين! خرافة:مابعد كملت كلامي..اقعدي هناك والزمي الصمت ياأم ضروس! رملة(بلهجة عدائية):أنا أم ضروس يالعانس؟؟ خرافة:مدري..هل أنا غلطت؟أقول يالحبيبات...فيه وحدة منكم فمها مافيه ضروس؟ الجميع:لا..كلنا معنا ضروس.. خرافة:الحمدلله..يعني ماغلطت عليك يامدام رملة!المهم..كل وحدة منكم ربي رزقها بزوج..في حين إن بمجتمعاتنا بنات كل يوم يتسدحن ويتبطحن ومافي هاجس بألسنتهم إلا طاري الزواج! عالية:مخبلات..ماعندهم سالفة! خرافة:والله إنتي اللي ماعندك سالفة..لو رمى بك بعلك في الشارع كان عرفتي قيمته! نادية:ياشيخة ارتاحي...من هي هذي اللي متزوجة ومرتاحة؟! خرافة:والله اللي يحط الشمس قدام عينه يقدر يجيبها!!بس هذا انتوا الوحدة تتشكى وتتذمر وتبي حلول جاهزة وسريعة على بالها زوجها طبخة!وتبي تغيره وتشقلب كيانه في غمضة عين..مع إنها في ذات الوقت ماعندها أدنى استعداد إنها تغير في نفسها قيد أُنملة!! قرناسة:لو سمحتي كلمينا عربي وشهو قيد أنملة؟على بالك إحنا خريجات البودي شوب؟!! خرافة:هيا استلموا!ماتدري البودي شوب هو مدرسة ولا سوق خُضرة!! تماضر:ذبحتونا يالناصحات بكلمة التغيير..ميزانيتي ضايعة على التغيير ولاجابت نتيجة!كل شهر وأنا أغير لون شعري..وطريقتي بالميك آب واللبس ومابان بعينه!! خرافة:فديت خشتك!والرجال على بالك بيهتم بشكلك ويطنش عقلك؟! الرجال يحب المرة الذكية القوية العاقلة الفاهمة..يبي يتعامل مع جوهرك مو بس مظهرك مناير:بس لاتنكرين يادكتورة أهمية المظهر.. خرافة:لاإله إلا الله ماقلنا شي..المظهر أكيد مهم بس مو معناته تعتمدون عليه لوحده..الجوهر أهم..وش فايدة الوحدة شكلها مثل المانيكان ومن داخلها خاوية مثل البالون..أنا أقول مثل ماتتعبون على أشكالكم اتعبوا على أنفسكم من الداخل.. عالية:وانتي وش دراك إننا مانتعب على أنفسنا من الداخل؟...يمين إني كل شهر أنتف وأحف وأحط غسول وأتبخر بـ مر وقشر رمان وأستخدم المسك الأسود بعد!! خرافة:لاياشيخة؟؟ماقصرتي وأنا أشهد! ياحـــــــــــــــــــــــريم هالتنك المصدي اللي بداخل رووسكم شغلوه مرة وحدة..أدري لاشتغلت عقولكم بيطلع غبار ينقال عاصفة اللهم ياكافي!بس مو مشكلة أهم شي لاتتركون أنفسكم خام..هالوقت اللي تقضونه على النت تسبون وتذمون بأزواجكم ابحثوا عن موضوعات مهمة في تطوير الذات وبوصلة الشخصية والبحث عن الأسس والقواعد اللي تبني الحياة الزوجية على أساس سليم..ولايصيب الوحدة فيكم يأس وتقول هذا زوجي وماراح يتغير..والله لو تقرأون قصص واقعية من ملفات الاستشارت لكان شفتوا كيف التغيير الجذري صار بالزوج بعد مازوجته غيرت من طريقتها ووضعها معاه...بس هذا طبعكم يالنسوان عجازات كسلانات والوحدة تشخر بسريرها وتبي حلول سحرية! إذا ماعندك استجابة داخلية للتغيير للأفضل فاعرفي يابنت الناس إنك بتلزقين بمكانك وتشربين الهم كل يوم!! وسكت الجميع وكأن على رؤوسهم الطير.. خرافة(تنادي):بنت ياتماضر؟؟ تماضر:نعم ياأبلتي! خرافة:هاتي عباتي.. تماضر:بأهِج إلى بيتي! الحريم:قبل لاتهجين..علمينا ليش ماتزوجتي للحين؟؟ خرافة:لأن ربي مايجمع على الشخص عسرين الزواج+بلاويكم اللي تنتظر حلول! وودعت خرافة الجميع... تماضر:آنستينا مرة ياخرُّوفة..حاولي تعيدينها في أقرب فرصة.. خرافة:والله مجلسك هذا اعتبره من الابتلاءات اللي واجهتني في مسيرتي المهنية!الله لايعيده ولايزيده...وكثر الله خيرك.. وخرجت خرافة واتجهت لسيارتها وتنفست الصعداء أخيراً من مفارق الحريم.. أما تماضر رجعت لمجلسها تكمل القعدة مع ضيوفها.. الضيوف:تماضر..عطينا رقم خرافة شكلنا بنزورها في المكتب ونصير من عميلاتها!! تماضر:ابشروا ولاتنسوني من العمولة! ووزعت تماضر الرقم.. وهلت الاتصالات ثاني يوم على خرافة اللي أعلنتها ثورة وقعدت في بيتها وقالت:وداعاً لمكتب الاستشارات..شيبوني قبل أواني هالنسوان..ويامن شراله من حلاله علة!!!! انتهت ولله الحمد..

أكمل معاكم هالجزء......... قالت قرناسة:دكتورة خرافة من أول الليل وإحنا نهذر فوق...