مستشفى الاطباء المتحدون وبخش !!!!!!!!!!!!

الله يقومك بالسلامة انا ولدت عند الدكتور أحمد عبدالمجيد في مستشفى سليمان فقيه رااااااااااااااااااااااااااائع جدا و راقي في تعامله و كلمة رائع في حقه قليلة و الله ما تندمي لو ولدتي عنده


انا اخت سلفتي ولدت في الاطباء المتحدون بس ما اتذكر اسم الدكتورة بس تقول الله لا يعيدها تصرخ عليها الدكتورة و الممرضات

اما مستشفى بخش ما اعرف فيه دكاترة ولادة

حبيبتي انا ولدت عند نوال السناني في بخش ..وكنت اتابع معها من اول شهر.. طبعا الدكتورة مايحتاااااج الله يسعدها ..وكانت عنايتهم مره كويسه صراحه..وقت الولادة ..وحتى بعدها...

وولدت قبل 3 شهور ماشاءالله والحمدلله في المتحدون..عند حنان الشمراني..برضة الدكتورة رهيييبه بس كنت ابغا عند نوال لانها هيا اللي متابعتني من اول حملي+ حملي اللي قبله(يعني هيه دكتورتي)..بس للاسف كانت في اجازه..فولدت عند حنان الشمراني..برضه فنااااانه هده ماشاءالله ..والمستشفى المتحدون صراحه عنايتهم رهييييييييييييييبه في وقت الولاده..وبعد الولاده..وتحسي نفسك في فندق ماشاءالله..

والدكتورتين في كلتاالولادتين جوني علطووووووووووووووووول من يوم يوم مافتح 10..او حتى قبل(يعني من 7 او 8 سم)..

بس لو حملت بعدين وسالتيني فين حتولدي؟؟؟حقولك في اي مستشفى فيها نوال السناني انا وراها..يعني كنت حولد معها ايام كانت في فقيه في حملي الاخير..بس نقلت من عندهم(مامدحتلي هما)..و بس!!

نوال السناني موجودة في بخش و مستشفى الجامعي وكثير ماشاء الله يمدحونها

أنا ولدت عند د_سهير ببخش متابعتي من أول يوم حمل للولادة بس وعدتني تعطيني بنج في الولادة وماعطتني الا أكسجين

والصراحة تعبت مرة في هذي الولادة وان شاء الله لو قدر الله وحملت مرة ثانية ماراح أكررها ووأولد عندها صرااااحة حتى الغرز

حسيت فيها الله يسامحها

أما ولادتي الأولى كانت عند د_نورما في عرفان متابعة وولادة ماشاء الله مسهلة وعناية مابعد الولادة صراحة بدون مبالغة أعطتني

بنج كامل الله يجزاها خير ولاحسيت بخياطة ماشاء الله والحمد الله التساهيل من رب العباد

انا كنت متابعه في سليمان فقيه ومرررره تعبت في ولادتي وكانت مروة بغدادي حسبي الله عليها سيبتني وراحت وولدني الدكتور شادي اما بخش اختى تمدح كيتي مرررره تقول كويسه والله يسهلك ياااارب