مستشفى الحبيب ومركز الدكتور سمير عباس لاطفال الانابيب

السلام عليكم ورحمة اللله وبركاتة
طاب مسائكم بكل خير اخواتي الحبيبات


انا متزوجة لي سنتين وما انجبت لما فحصت كان عندي اكياس وتخلصت منهم بفضل الل اولاً ثم الدكتوره بشرى السبيبي بمركز ليلى العنيزي بالخبر جداً جداً ممتازه لعلاج التكيسات خلوقه وشاااااااطره مرا بعد ماختفت التكيسات تابعنا التبويض وكان كل شي ممتاز لكن مافي حمل جلست احاول لمدة ٣شهور وماحصل حمل مع ان الرحم سليم وكل شي سليم قالت لي الدكتوره خلينا نشيك ع الانابيب بالصبغه وهنا كانت الطامه الكبرى 😔💔
عندي التصاقات بقنوات فالوب الله المستعان وهو سبب تأخير حملي احد الانابيب انفتح شوي من الصبغه اما الثاني فكان معلق وماستجاب للصبغه .
نصحتني الدكتوره اني استمر معها ثلاث شهور بعد الصبغه واستخدم مضادات التهاب لعل وعسى يكون الالتصاق عبارة عن التهاب ويروح مع الحبوب واذا ماراح مالي الا اطفال الانابيب 😔وسألتها يادكتوره وين ممكن اسوي اطفال الانابيب قالت لي مركز ذرية بالرياض وانا بالدمام فمرا صعب علي 💔
بعد البحث المطول حصلت عندنا مركز سمير عباس لاكن ماعرف اي احد سوا عنده تكفون علموني او عطوني من تجاربكم او معرفتكم عن اسم دكتور زين فيه او مجربينه
وبرضو مستشفى الحبيب عند الدكتوره هيفاء التركي سمعت مدح عليها كثييير لكن المواعيد💔💔💔 بعد ٣شهور او بعد٦شهور افيدوني من خبرتكم تكفون
وياليت الي تعرف الفرق بين الحقن المجهري واطفال الانابيب تخبرني ❤️❤️


ختاماً اسأل الله العظيم رب العرش العظيم ان يشفيني ويشفيكم ويرزقنا من واسع فضلة وتذكرو اننا مقبلات على ايام ١٠ذو الحجه الفضيله استغلو يوم عرفه بالتكبير والتهليل والدعاء لنفسك ولسائر المسلمين من قلب صادق ولاتنسون الصدقه. ❤️❤️