مستشفى القصيم الوطني رفع ضغطي داخله على الله ثم عليكن شورن علي

السلام عليكم

خواتي داخلةعلى الله ثم عليكم لاتخلوني

والله تعبت نفسيتي

أنا حامل وبالتاسع لي إسبوع وهذي القيصرية الخامسة وكنت متابعةعند مستوصف حكومي وماشية وحولوني على مركز الولادة ورحت لهم بس طلع عندهم فيروس الله يحفظ المسلمين
وعيازوجي وأهلي قالو مايجوزتروحين للوباء بنفسك والحمدلله فيه حلول غيره
المهم مدحومستشفى القصيم الوطني ورحت له طبعا أتكلم عن العيادات أزفت من الزفت الممرضات هنديات يادوب يمشن وكأنهن بالتصويرالبطئ والكونتر مدرهن سعوديات أو وش جنسيتهن يعني معدا اللي تبع الإستقبال كأنهن جالسات على كوفي وحتى ما أظلمهن وحدة أحسن من وحدة والأدهى من كذا إني لي 3أسابيع أبي دكتورة إسمهاعروب يمدحونها وكل ماجيتهم قالو عندهازحمة خليكي إنتضار قلت خلاص عطوني أي دكتورةعندكم أول شي حطوني عند دكتورة بكستانية أخلاقهاحلوة بس بطئية بشكل كل شي عندهم عن طريق الكمبيوتر وهي تكتب بإصبع واحد تكسر ظهري وأنا أنتظرثنتين قبلي وكأهن عشر أعطتني أشعةوتحاليل وحللت وشيعت حقت الأشعةكويسة بس عليهازحمةمرة وماعطتني تفاصيل لدرجة إني جلست أبي فاين بمسح بطني عن الجل تيع الأشعة
وماقدرت أتناوله بعدين رجعت تعتذرمني وماكان عندهاممرضة كان عندهاسعوديةجالسة على الجهازمدري وش مهمتها
راجعتهم بعد إسبوع وكانت المراجعة مجانية ودخلوني على دكتورة سودانية طيب وين الدكتورة هلالة كانت بكستانية مدري المهم دخلت على السودانية ماني متأكدة من إسمهاساميةمدري سمية بصراحة دكتورة حكومية أحسن من إستقبالهاقلت أناجاية أبك تخبريني بكل شي متى موعد العمليةومتى وكم عمرالجنين بالأشعةوكيف الأشعة
ياالله تتكلم تقول الأشعةمصورة لك كل شي طيب سألت حقت الأشعةقالت الدكتورة تقولك يعني أسحب منهاالحكي بالقطارة لاوأرعبتني بشكل تقول عمليتك مش سهلة لاتحطين بالك إن عمليتك سهلة طيب ليش تقلقيني وش بيدي المفروض تطمنيني المهم طلعت ورحت لقسم للأخوات اللي على الإستقبال مدري المواعيد وحدةمنهم والله حاطة رجل على رجل ومتكية على ظهرالكرسي وتتكلم مع المرضى وحدة جزاهاالله خير كويسة المهم قلت أبي عروب قالت عروب ماينزل جدول مواعيدهاإلاالسبت قصدهم اليوم ومن السبت اللي راح وأنا أنتظر السبت اليوم وكلمهم زوجي قالوعروب ماعندها غير إنتظار وخلاص كل اللي عندهاحاجزين طيب متى حجزووقالو الجدول له 4أيام نازل :icon33:
والله قهر أدفع 14ألف وهذي معاملتهم أزفت من الحكومي والعملية الخامسة تاصل 14ألف من غير المرافق

والله إنقهرت قلت خلاص ماني برايحةلهم
بروح للحبيب بس نفسي أتأكدمنكن
من جربت الحبيب قيصري ؟
ومن أحسن دكتورة للعملية؟
وكم سعرهم ؟
وهل عليهم زحمة لني الإسبوع الجاي المفروض العملية ؟


بنات سامحوني والله بحياتي ماسبيت أحد بس مقهورة والنفسية زفت

آمنت بالله وتوكلت عليه

وأعذروني الأخطاءكثيرة