أهلين أخواتي....... أنا بقولكم عن تجربتي في العسكري بجده بس مو شرط يجيكم اللي جاني في الأول والأخير كله أمر الله والمؤمن مبتلى .. أنا ياحبيباتي ولدت المرة الأولى عندهم قيصري وطبعا زي ما قالوا الأخوات كل زيارة تدخلين على دكتور شكل طبعا في غرفة العمليات أناطلبت إبرة الظهر ولما دخلت الغرفة شوفت ذيك البنت اللي قاعده على جنب من شدة الإرتباك تأكل أظافر يدها ( طلعت متدربة من كلية الطب ) طبعا بعد التخدير النصفي جا الدكتور الإستشاري وتحت إشرافه سوتلي المتدربه العملية ( والنتيجة إنفتح الخياط بعد العملية بخمسة عشر يوم وحلفت أمي ما أرجعلهم وسوتي عملية ثانية في مستشفى خاص ) هذي الولادة الأولى

الولادة الثانية طبيعي وكمان عندهم طبعا الغرفة هذا داخل وهذاخارج مافيه إحترام لعورات الناس وبعد حروجي بثلاثة أيام إنفك الخياط وعدته في مستشفى خاص ( وهذي قصتي معاهم وتوووووووبة أولد عندهم مرة ثانية
مع إني أغلب أهلي عنده ويمدحونه لكن دنيا حظوظ وكمان زملاء زوجي في العمل مايشتكون منه يمدحونه زوجاتهم وإنتي وحظك وأنا أختك وإن شاء الله حظك أحسن من حظي

طيب يابنات للامانه كيف مستوى النظافه وتعامل الممرضات والقابلات والغرفة كم وحده فيها

وهل اللي يبغى غرفة خاصة يدفع ويعطونه انا وحده قالت لي كذا

رفع

الله يقرف الشيطان انا كنت تعبانه وروحت طبعا كنت اراجع برا واخذت مني تحليل نتيجتو بعد شهر


يعني لو فيا عله استفحلت وهما ماطلعوها

المهم حلفت ما اروح وولدت فمستشفى خاص

انا مجربتهم في الولاده بصراحه تصيرين فرجه والقسم يخرع حق الولاده مافيه خصوصيه

صح لما تدخلين قسم الولاده ما احد غريب فيه غير القابلات والي بيولدون يعني قمه بالعداب الغرف مفتحه على بعض وكنك داخله مجزره طابور من الغرف كل حامل مسدوحه على سرير ومافي بيبان تسترك تخيلي نفسك وانتي عريانه ورافعه رجولك والقابله تولد فيك والستاره مفتوحه والكل يتفرج وانواع العداب حتى لو منتي خايفه بتخافين من اصوات الحريم ومنظر القابلات وهم لابسين القلافزات وتخرج الوحده قدامك وكلها دم وحوسه الوحده كنها بغرفة اعدام

لكن من ناحية العنايه سراحه كويسين والدكاتره ممتازين بس ابد ابد ابد مافي خصوصيه ولدت عندهم طبيعي وطلعت مهستره من الي شفتو
على فكره الولاده الطبيعيه عندهم مافيها اي تخدير مافي الا كفوف من القابلات حتى لو اغمى عليكي من الالم يصحونك بكف حسبي الله عليهم

الان انا حامل واراجع عند الزهراني لاني بولد هالمره قيصري ايش رايكم بالولاده القيصريه الي عندهم انا خايفه الله يفرج علي وعلى كل حامل ياكريم يارب