السلام عليكم ورحمة الله وبركاته اولا اخواتي خاصه البكريات واخواتي في المنتدى لبعض تجاربنا قد تكون فرديه وفي يوم من الايام انا كنت بكريه مثلكم وكنت اسمع القصص واخاف:06:قصة حملي وولادتي هذه هي الثانيه والتسهيل من ربي العالمين وكل وحده فينا تختلف ظروفها عن الثانيه وصحتها والحوض 00000000الخ انا حبيت اذكر تجربتي للاستفاده فقط ومن باب المشاركه لاخواتي في المنتدى على الرغم ان ولادتي هذه كانت العام الماضي الا اني من الخوف كانها امس :44:بداية القصة
كنت العام الماضي حامل وعندي ضغط وتعبت طوفت بالعاشر والنونو ماله نية يطلع وصرت اروح المواساة كل يوم واحجز مع الطبيبه التي تكون موجوده بسبب انشغال الطبيبه الاخرى""في ولادتي الاولى كان طاقم الطبيبات في قسم النساء والولاده عام 1427هـ ممتـــــــــــــاز منهم الطبيبه التي ولدتني اسمها امل حنونه وعسل وتراعي النفسيات ادعي لها كل ما اتذكرها رحت استقبال النساء سالتهم عنها وعن الاستشارية عزه يقولون قدمت استقالتها ومشت <والله ما الومها فيكم > الان طاقم عسى الله يغيرهم ان شاء الله طبعا مره من المرات رحت اراجع بمووووووووووووت لقيت طبيبه منهم قلت خليني اغير عندها يمكن هي كويسه دخلت عندها شرحت لها وضعي قالت اطلعي على السرير اشوفك :35:اقسم بالله بغيت اهرب قلت لها لازم يعني تشوفيني :hahaha:قالت طبعا انتي تاخرتي كتير ولازم نعملك تحريض ولاده قلت في نفسي لازم اقوي قلبي عادي انا ولدت قبل كذا وان شاء الله ربك يسهلها "اضحك على نفسي " يوم طلعت على السرير اقسم بالله اتذكركم في المنتدى واقول لنفسي لازم ارخي واهدي نفسي وتجي الدكتوره تحط يدها واتحمل واتحمل في النهايه حسيت الم فضييييع اتاريها كانت تفتح عنق الرحم بيدها وهو لسه قاسي وما فيه طلق اقسم بالله واصيح ذيك الصيحه ولا دريت عن نفسي الا انا اقرصها في يدها الثانيه التي على بطني واقولها خلااااااااص قالت تعالي بكره الصبح نقيس الضغط وانشوف وضعك طلعت من العياده ابكي وكل الحريم برا يناظروني حسيتهم رحموني والله يالله امشي وبطني قدامي وابكي من الالم لو ادري انها بتسوي كذا ماخليتها رحت البيت ولا نمت بس اهوجس على انها حرضت عنق الرحم بس ما فيه فايده لا جاء طلق ولا شئ بس تعذبت على الفاضي والصباح صحيت زوجي الساعه 8الصياح قلت تكفى ابغى اروح المستشفى قال فيك ولادة خاف قلت لا بروح لهم يولدوني خلاص بكيفهم خربانه خربانه وفعلا رحت المستشفى رحت عند طبيبه ثانيه غير التي حرضت الولاده وشرحت لها الوضع قال :آآآآآآمتطلعي اشوفك ان كمان قلت خير بتسوين تحريض قالت لا اقيس عنق الرحم يمكن فتح ولا شئ قلت اللهم صبرنا وطلعت ونفس طفش الكشف قالت لا لسه مقفول وضغطك مرتفع مره لازم تتنومي نعطيك طلق صناعي ان شاء الله تولدي الليله او بكره خلاص زوجي عاد تشقق من الفرحه وانا كذا:mad:دخلوني التنويم وبدات رحلة البهذله تجي ممرضه متدربه وزميلتها تشرح لها كيف تدخل الابره في يدي بالنجليزي على بالهم ما افهم ويوم جات رئيسة التمريض تسالهم من دخل الابره وهذيك تقول فلانه وهذيك مبسوطه والله ما دخلوها الا بطلعة الروح ويدي قعدت توجعني فتره من تدخل وتطلع لين ضبطتها والابرة الشرجيه""الله يكرمكم ويرفع قدركم ""اقسم بالله من ما طفشتني الممرضه ما عرفت تحطها انا حطيتها بنفسي اعوذ بالله طلعت روحي شوي يجيني 2طبيبات قلت من منكم بتكشف قالوا كلنا قلت ايش دعوة الله يهديكم تمزحون قالت انا الطبيبه واحنا الان العصر وعندي عياده وهي المناوبه وحتكمل معاك الى اخر الليل اذامشيت فكلنا حنكشف حسبنا الله ونعم الوكيل ومع كل كشف اصيح تخلص الاولى وتجي الثانيه اعوذ بالله قرف اعطتني تحميله طلق العصر وكانت اعطتني وحده الظهر ومازال الرحم من الظهر نص سم :44:على المغرب زوجي جاء قلت له خذ البنت وارجع البيت اذا جتني الولاده بدق عليك وشبكت الممرضه مغذية الطلق الصناعي في يدي كل هذا وانا في التنويم باقي وضعوا لي التخطيط على بطني ذبحني وبدا الالم في ظهري وبطني يشتددددددددددددد وانفاسي احسها بتتقطع انسدح على جنبي واذا سمعتهم فتحوا الباب نمت على ظهري:hahaha: الساعه 11ونص تقريبا جاني استفراغ فضيع (تكرمون)وبطني فاضي اصلا فجاه وانا اكح مع الاستفراغ بقوه حسيت شئ انفجر تحت ي ما ادري وشوا وحسيت كانه شي انكب مني وما احد عندي قمت دقيت عليهم وجرس ورحت دورة المياه وانا ما انتبهت للسرير وراي رحت غسلت وجهي حتى ارتاح وفمي شوي الا احد يدق على الحمام بقوه اطلعي وين رحتي وينك اطلع الا الممرضات نادوا الدكتوره وجات قلت خير قالوا فيك شئ قلت لا بس ابغى ارتاح بمووت كل هذ وانا امشي منعطفه من الالم تقولين عجوز في الثمانين قالت حبيبتي سريرك كله نزيف يالله على غرفة الولادة حنجهزها الان بس قبل تعالي اقيس الرحم بيدي قبل نروح جناح المخاض والولاده ياربيييييييييييييي ما عندكم راحه قاست قالت يالله ولاده على غرفة الولاده 6سم ياناس طلعو كلهم وقالوا يالله تعالي والبس عباتي واروح اتمسك في الابواب لين وصلت عندهم الاستقبال جات ممرضه كبيره في سنها فلبينه مسكتني من يدي تمشيني رحمتني وادخل غرفة الولاده ويبدا الالم يزيد والضغط يرتفع وبصراحه خفت الدكتوره كل شوي تتصل ما ادري على مين بس شكلها على طبيب او طبيب ثاني اسمعها تقول بالانجليزي ضغطها مرتفع وكل ما زدنا الطلق زاد الضغط وقلبها بدا يتعب ونبض الجنين بدا يقل حسيت بخوووووووف بعد ماقفلت التليفون قالت اسمعي انتي ضغطك مرتفع واحتمال القيصريه وارد بس البنج الكامل عليك خطير لازم ابرة ظهر سواء طبيعي او قيصري حتى يتعدل ضغطك قلت طيب انا خايفه منها قالت اسمعي بكيفك لكن الوقت مو في صالحك بدات افكر وضاق نفسي حطت الممرضه لي الاكسجين قلت للدكتوره خلاص باخذ الابره الشكوى لله وجا دكتور مصري فني التخدير بيعطيني الابرة كان نايم لان الوقت تقريبا الساعه 1 بالليل حتى ما كان لابس بالطوا ولا شئ بملابسه قلت الله يستر شكله قافله معه يبغى ينام وطفشته وقال وقعي على الاوراق انك حتدفعي التكاليف وان الابرة على مسؤوليتك وووقلت اخلص هات اوقع بس خلص :mad: يالله احضني المخده وتكوري جلسوني بمووت وهو يدخل البرة قعدت اعض في المخده وهو يقول معاليش اتحملي معانا شوي وانا ابغى انسدح غصب عني وهو يصيح ما تتحركييش وانا خفت وتصنمت لين خلص انسدحت حموا الطلق قاست الدكتور بيدها قالت غريبه قلت ياربي وش بعد قالت 10سم مفتوح ولا نزل البيبي للحوض الى الان اسمعي احتمال القيصريه وارد قلت في نفسي تراك ذبحتيني على ما انا فيه سويها وخلصيني وجات الممرضه تبي تركب القسطره حاولت حاولت غثتني وذبحتني وفي النهايه نادت الدكتوره تركبها بدات احس انفاسي تضيع من جد وصداع والدكتور تقول يالله نزل في الحوض حاولي وجالسه بكل برود عينها على جهاز تخطيط الجنين وتقول للممرضه اطلعي على بطنها واضغطي بيدك حتى يطلع الجنين واحاول واحاول وابكي ولا همهم في النهايه دعيت الله ان يسرها سبحان الله وحسيت براس ولدي يمر من تحت عظام الحوض وتوسع الدكتوره واشد شوي الا احس بشئ ثقييييييييييييييييييييييل وانزاح واسمع صوت ولدي عيوني يبكي ونادوا طبيب الاطفال يفحصه خفت سالتها وهي تخيطني قالت ما فيه شئ مجرد روتين في المستشفى نطمئن على البيبي قلت لها بس انا في ولادتي الاولى ماحصل كذا سكتت وما ردت طلعوني لغرفة الملاحظه قعدت3 ساعات اتصلت على زوجي وبشرته فرح وقال الان تحلى النومه تطمنت عليكم كنت قلقان قلت لا خلاص نام وارتاح جاء دكتور البنج وفك الابرة وحقن بقية المخدر وطلع وهذا بعد ما عرفت من احدى زميلاتي بنت خالتها استشارية نساة وولاده شهرانيه عسل الله يحفظهاغلط المفروض كان تركو البنج اقل شئ 4 ساعات المهم غطوني وانا سادحه وطلعوني غرفتي حاولت انام ما قدرت متبنجه بطني وفخوذي كانها اسمنت ماقدر لا امشي ولا حتى اجلس والله والضغط متعبني ولا لي نفس اكل نسيت اقول انا ولدت في الجبيل بعيد عن اهلي :icon33:الساعه 8 كنت تعبانه فحسيت بالنوم ما امداني اغمض شوي حتى جات الدكتورة ومعها وحده ثانيه التي في العياده قالت انت ولدتي قلت الحمد لله ابغى ارتاح قالت لا لسه حنكشف قلت انت صاحيه وين تكشفين توني مخيطه والبنج بدا يفك والله يااخوات يرفعون رجولي لاني مبنجه غصب عني وكشفت وانا اصيح كلنا نعرف المغص الذي يجي بعد الولاده الى الان ماني عارفه ليه كشفت طبعا لاني ما اقدر اتحرك ولا كان والله ماتكشف قعدت ابكي فاشرت لصديقتها وطلعت هي واياها حتى ما قالت الحمد لله على السلامه ما ابغاها تقولها ابغى الراحه شوي الظهر اتصلت على زو جي قلت تعال خذني ابغى البيت الان قال اشفيك ارتاحي احد سوى لك شئ والله لبهذلهم قلت لا (ما ابغى المشاكل طيب ايش بستفيد اذا سويت بلابله في المستشفى اطلع بيتي وارتاح وخلاص)) وانا جاني نزيف شديد حتى وقت الولاده ما ادري ايش اللي حصل حتى ان الدكتوره تقول التي ولدتني كويس انك اخذتي ابرة الظهر ولا كان سمعوا اهل الجبيل كلهم صياحك شكلها المشيمه ماعرفوا يطلعونها بدليل المغص الفضيع اللي جاني الطلق ارحم منه والله من شده النزيف صرت ارجف وقلبي يرجف من فقر الدم واتكلم ولا احد عندك الممرضات والطبيبات ما عاد شفت ولا وحده منهم جو بهذلوني الصباح ومشوا وعلى الظهر وانا تعبانه اتصلت على زو جي يجيب عصير طازج وتمر ولبن والله يابنات انها جاتني اخصائية التغذيه تقول مدام الطبيبه تقول هذي مدام وزن زياده مافي اكل بس خضار مسلوق شويه ياناس وحده توها تولد ما اكلت من يومين هذي الطبيبه صاحيه ولا لا ؟حتى زوجي استغرب قال بولادتك السابقه قعدتي 5 ايام وارتحتي الان ايش صار قلت الله يعافيك جيب البيبي وخلص اجراءات الخروج ولا هربت :angry2:قال خلاص خلاص ورحت بيتي حبيبي راحه ونظافه وجات وحده من اخوات زوجي من الرياض واليوم الثاني جونا اهل زوجي واخواته وعيالهم من الرياض وارتاحت نفسيتي وقعدوا معنا 10 ايام الله يوفقهم وهذي قصتي مع مستشفى المواساه والله صار اذا سمعت طاري الحمل اموت خوف000سامحوني طولت 0000سبحان الله وبحمده
نسيم الخير1! @nsym_alkhyr1
عضوة نشيطة
يلزم عليك تسجيل الدخول أولًا لكتابة تعليق.
دايم اسمع قصص تروع في مستشفى المواساة سواء في الرياض او الجبيل
الله يكفينا شرهم
من الروعه نسيت نتحمد لك بالسلامه ومبروك ما جبتي لو بعد سنه
الله يكفينا شرهم
من الروعه نسيت نتحمد لك بالسلامه ومبروك ما جبتي لو بعد سنه
يوفا
•
الحمد لله ع سلامتك ومبرووووك ما جبتي
انا ولدت بالمواساة اللي بالرياض بس انا عمليه من الاساس موقعه عليها والحمد لله كانت تساهيل من ربي
انا ولدت بالمواساة اللي بالرياض بس انا عمليه من الاساس موقعه عليها والحمد لله كانت تساهيل من ربي
الصفحة الأخيرة
ياشيخه اسسسسسسسسسسسسسسسسسسخف مستشفى الله يكفينا شرهم ياااااااااااااارب