مستشفى النهضه بالطائف

السلام عليكم ورحمة الله وبركاته:
كيفكم أخواتي إن شاء الله بخير ,أنا يابنات رحت لمستشفى النهضه بالحويه أول مره وسمعت عنه في النت أنهم يسوون الحقن المجهري,إتصلت عليهم استفسر وحولوني لدكتور وحدة الإخصاب.وكلمني قال تعالي وإحنا نشوف وضعك.ولما رحت أسأل عن وحدة الإخصاب على طول الممرضات طلعوني للدور الثالث ودخلوني على الدكتور انا وزوجي في وحدة الإخصاب وقلت لدكتور اني ابغى اسوي الحقن المجهري ,سألني وقال كيف عفتي انوا أحنا نسوي أطفال الأنابيب والحقن المجهري,قلت له قريت من النت.قام ضحك وكأنه فرحان وقال كتبوا عننا فالنت قلت ايوه ,قال في اي موقع قلت في المنتديات بس ما أعرف,بعدها بدأ الشك عندي ليش الدكتور ماهو واثق من خبراته يعني مايهم فين كتبوا عنهم المهم قال من الشهر الجاي يعني محرم تاخذي كور الإبر التحضيريه وتكلفت العمليه 8 آلاف .المهم
قريت في احد الردو لموضوع الأخت مناهل تسأل عنهم وردت وحده من العضوات اعتقد شوجي وقالت انهم نصابين.وانا خفت الصراحه والغيت العمليه..
ياليت اخواتي اللي جربت العمليه عندهم ونجحت ترد عليا لإني انتظر على احر من الجمر,,
الله يجزاكم خيرا
ويرزقنا إن شاء الله في هاذي السنه الجديده بالذريه الصالحه.آآآآآآآآآآآآآآآمين