انا اقصد مب لدرجة ان الوحده تتعب لاخر درجه !!

يعني مثلا اتكون النفس فاحه والجنين مب راضي ينزل

اقصد اشياء خفيفه ....... انا ما ع ف وابد عنهم فهالحالات
بس اسمع جذيه :confused:

مدهلة .. هيه حبيبتي هو عن خسارة خسارة بس انا عندي تامين صح ما يغطي كامل
بس احسن عن لا شي .. وشكرا على ردج ورايج

خافي ضميري... ترا انا وايد اسمع انه اوكيه عشان جيه سرت له في اول مراجعه لي بس بعد ما قريت انه تبشيري ما سرت له واستخرت ومن يومها ما راجعت وامس سويت موعد عند وحده يا هنديه يا باكستانيه اسمها مب عربي والله يستر .. واظن عادي الدكتورة ما تولد الا الحالات الصعبه انا في ولادتي الاولى كنت برا واللي ولدتني ميد وايف وماشالله ايدها حلوة بالخياطه ولا كأن في جرح ..

وانا بس احاتي الخياطه لا اتلعوز فيها لأني بطلبهم يسوون لي شق احس اريح..

ومشكووووووووووووورة يا عمري على ردج
بلش ... شكرا حبيبتي على الرد
هني ليبز مشكورة فديتج على المرور...

أختي انا الحساس .. أنا شخصيا لم أجرب المستشفى .. بس بحكي لك تجارب صديقاتي معه .. وكلهن ما يمدحنه..

أعرف صديقه لي ولدت مرتين في الواحه .. وفي المره الثانيه نزل عندها الدم ووصل 5 .. قالت لها الدكتوره مره ثانيه لا تولدين هنه روحي توام ..لأن نحن في مثل حالاتج نحولهم توام.. يعني تخيلوا وحده ضاربنها ويع وطلق وهم يركبونا الأسعاف لأن ما يعرفون يتصرفون معاهاااااااااااااا..

وصديقه أخرى لي كانت تعالج عندهم في بكرها .. وكانت مستخيره ربها في هذا الشي ومب مرتاحه للمستشفى.. المهم في آخر شهورها صارت عندها إلتهابات لدرجه النزيف.. راجعت المستشفى وبعد الفحوصات عطوها حبوب .. وبعد مرور يومين من العذاب وأخذ الدواء الذي زاد علتها .. إتصلت الدكتوره بها وقالت لها إن الحبوب صرفت لها بالغلط .. طبعا هي سيييييييييده حولت توام ..

وفي صديقه ثالثه ... كانت تعالج عندهم .. كانت في فتره المراجعه ما عليها وعلى البيبي كلام.. يعني كله تمام.. لما جت تولد حطت السستر يدها على بطن صديقتي وقالت لها لازم عمليه .. (بصراحه ما أدري كيف قررت) .. أوكي .. وتقول صديقتي حطوها في الإنتظار لأن غرفه العمليات زحمه .. وكانت هي ثامن وحده يسوولها عمليه قيصريه في هاذاك اليوم.. المهم عدت على خير .. وكملت الحين بنتها سنتين .. يلست في هذي السنتين تتألم وكل ما تحمل تسقط .. والحين حملت .. والله يستر إذا بتولد قيصري ولا لا.. المهم هي بتغير المستشفى..

وصديقتي الرابعه .. ولدت عندهم وعملولها خياطه.. تخيلي شهر كامل ولا نزلن الخيوط عندها وتتألم .. المهم راجعت الدكتوره غزل ماهري .. وقالت لها إنهم لاعبين بك لعبه .. والخياطه كانت سطحيه جدا يعني أي كلام..

فوق هذا عزيزتي المستشفى ياخذ فلوسكم ليطبع بها المصاحف التبشيريه .. يعني تشاركوهم في أعمالهم..

أنصحك إنج تتعالجين في توام أو الجيمي.. أو في مستشفى خاص مثل الإمارات أو التخصصي..

دكتورات الواحة كلهم صاروا بمستشفى الامارات
ولادة ميسرة ان شاء الله

قافلة الخير مشكووووووووووووووووووووووؤة وايد انج نقلتي تجارب معارفج لي :26:

رسل مشكورة حبيبتي على ردج ..:26:

والله احينه احترت ما ادري وين اسير ....:confused: