جزاك الله كل خير ياجلنار 30

اهلين اختي
الله يهون عليك يارب وان شاء الله لاتخافين
انا صديقاتي ثلاث ولدول في مانشستر ومرة مرتاحين يقولون عنايتهم مرة كويسة بس انتي توكلي على الله

جزاكم الله كل خير ياأخواتي جلنار 30 وشامه على الخدود
وجعل الله كل كلمه كتبتموها لي في ميزان حسناتكم يارب وشكرا جزيلا

السلام عليكم حبيبتي لا غربة مع الله

الله يقومك بالسلامة و يتمم عليك بالخير
للأسف انا ولدت في سانت ميري في مانشستر ببنتي ..
و اقول للأسف لأنه احتجت لخياط و جتني وحدة مجرمة كانت مستعجلة و خيطتني اي كلام و بدون بنج الله لا يذيقها لأي احد .. و شيء ثاني اصروا اني اذهب و انت بكرامة لدورة المياه بعد الولادة و انا كنت تعبانة و قلتلها ما اقدر ... بس هي اصرت و قالت راح اكون معاك هذه النرس ... و رحت و بس دخلت تركتني و صار عندي هبوط بالضغط و اغمى علي ووقعت ,,, فأنت فقط انتبهي .. و لا تكوني ابدا لوحدك و لا تسوي اي شيء الا لما تعرفي ايش هو .. و لااااااااازم احد يكون معاك لااااازم .. ابدا ما تبقين لوحدك معاهم احيانا يكونون بدون ضمير او تعبانين من شفت طويل فما يهتمون .. بس بشكل عام هم جيدين يعني كل شوي وحدة تمر عليك اذا تحتاجي اي شيء ..
و عند راسك جرس تنادي عليهم و لو احتجتي اي شي انا موجودة بليفربول و ازور مانشستر كل اسبوع... و اي خدمة من عيوني .. و لا تنسي تغذي بشكل جيد لأنها ايضا من اسباب تعبي اني ما اكلت شيء لأني صحيت الفجر و على طول رحت الولادة و كانت فترة الولادة تقريبا 7 ساعات .. و بعدين جلست الى ان جهزولي غرفة و انا مو ماكلة يعني تقريبا 12 ساعة بدون اكل و ولادة .. فتعبت جدا .. فديري بالك على حالك حبيبتي و سامحيني على كثرة كلامي بس لأني تذكرت ولادتي و اتمنى تمر ولادتك بسلام يااااااااااااااارب..:26:

وعليكم السلام ورحمة الله وبركاته اختي ابيسه
شكرا جزيييييييييييييييييلا
وجزاك الله كل خير وجعل الله كل كلمه كتبتيها لي في ميزان حسناتك كأمثال الجبال
بس عندي سؤال ليش احتجت لخياط سووا لك توسعه؟
واعطوك طلق صناعي ولا لأ؟
لأن ولدي الأول جبته بطلق صناعي وارتفع الضغط عندي بشكل فضيع وتعسرت الولاده ودخلوني بعدها العنايه وقالي الإستشاري اللي اشرف على ولادتي انه لما أولد مره ثانيه لازم أقول للدكتور انه جاني وقت الولاده ارتفاع شديد في الضغط على اساس اخذ الحيطه والحذر وكمان انه مايصلح لي الطلق الصناعي عشان كذا انا شايله هم.........
وانا متوكله على الله ومن يتوكل على الله فهو حسبه
بس انا اسأل من باب اكون عارفه كيف طريقة تعاملهم
وزي ماقلت احس انه مره مهم انه يكون احد معايه الله يسخر لي زوجي ذاك اليوم ويجي معايه والله يسهل يارب اللهم آميييييييييييييين
شاكره لك مره ثانيه واكيد المسلم ماله غنى عن اخوه المسلم.
وجزاك الله كل خير.