مستشفى اليمامة

ابقولك رأيي بصراحه تامه
المسأله أولا واخيرا تعتمد على الكادر الطبي الموجود ساعه الولاده
بصراحه حريم العايله يولودون فيه وناس تمدح وناس تذم وماتعرفين من تصدقين
لما حملت كنت خايفه جدا اني اولد فيه خاصه وان المستشفيات الاهليه سمعتها
مشوهه تماما عند زوجي ورفض رفض قاطع
حاولت اني اولد في مستشفي الملك فهد للحرس الوطني بس ماقدرت بحكم عمل زوجي
المهم استسلمت في النهايه وساعه الولاده ماعد يهمني لامستشفى ولاغيره اهم شيء العافيه وان ربي يهون عليك ويسخر لك الممرضات
وبصراحه هذي اول ولاده لي صارلي سنه ونص وكانت خدماتهم رائعه واهتمامهم أروع ومع اني دخلت الفجر ولاولدت الى الساعه وحده بالليل وبعمليه بعد
لكن بصراحــــــــــه مااستعجلو علي بالعمليه لما حسو مافيه امل قررو وجلست اسبوع
عندهم النظافه تمام مافيه كلام والعنايه حسب حالتك لكن انا لاحظت اهتمامهم الكبير فيني وفي البيبي
ونسيت اقولك الي تكشف عليك دكتوره طوال الولاده قبل وبعد
الااذا كان هناك تعسر لاسمح الله مثل حالتي فلازم يتدخل استشاري
لكن اذا ربي هون عليك ماراح يكشف عليك الادكتوره
وعلى فكره المستشفى تطور جدا السنتين الاخيرتين بعد تغير الاداره وطبعا التغير للأفضل بشهاده كل من جرب المستشفى قديما وحديثا وفيه نخبه من اكبر الدكاتره
لكن مثل ماقلت لك اهم شيء التوفيق من عند رب العباد ولاتنسين تدعين ان الله يهون
عليك الولاده وهذا اهم شيء
اذا قررت تولدين فيه خبريني علشان أزورك لانه قريب عندنا بالمره 5 دقايق
والله يسهل عليك
تحياتي

مرحبا اختى
انا مع كلام الاخت اغادير وان قررت اني اولد فيه انشاء الله لاني المرة الاوله ولدة فيه بس بصراح اهتمام ونظافه والكشف كانت طبيبة والتوليد برضو طبيبه والرجال مو مسموح دخولهم نهائيا في المستشفى الا وقت الزيارة بس يعني مافيه احد اما بالنسبه لدكاترة فمثل ماتكرمت الاخت اغادير وقالت مايجيك الا اذا كان في حال صعب وبالنسبة لي انا كان معاي ممرضه كول الوقت وكانت تجيني كل خمس دقائق تطمئن علي لين وقت الولادة ونزولين لغرفه وجلست لوحدي فيها لين انفتح الرحم فنقلوني لغرفة الولادة مباشرة والممرضة كانت معايه طول الوقت انا نزلت تحت الساعه 8 بعد العشاء وولد الساعه 3 الفجر وهي جالسه معاي وبعدين تركتني لمن ولدت واستلمتني ممرضه جديدة رعتني لين طلعت من المستشفى
وتجربتي هذي كانت قبل 8 اشهور وان انصحك بيه وان الحين اراجع عندهم في المستشفى حملي هذا وقررت باذن الله ماولد الا عندهم رغم ان كثير يذمونه بس من خلا ل تجربتي قررت ماسمع كلام احد وجربت واستفدة من تجربتي واتمني اني ياختي قدرة افيدك

مشكورين يافيافي و أغادير ورهوفة على هالمعلومات والله يسرلكم كل أمر صعب أما بالنسبه لك يا فيافي يمكن تكون ولادتك فيه قبل تتحسن إدارة المستشفى مثل ماقالت أغادير ... أغادير جعل الهناء يزورك دايم أنتي وألاخوات و المسلمين .

مرحبا يا فيافي مشكورة على الرد والله يشرف مقدارك أكثر و أكثر ويسعدك إن شاء الله .

بصراحة انا ولدت فيه قبل عشر سنوات تقريبا وكانت ولادتي الاولى فيه والاخيرةلان والله العظيم اني اولد والممرضة تضربني اعوذ بالله منهاواللي في اشكالها ...اما ولاداتي الباقية كانت في مستشفى القوات المسلحة والحمد لله الممرضات زي العسل ...

لكن انا اقول لك قبل عشر سنوات يمكن الان تغير...