السلام عليكم ورحمه الله وبركاته انا قبل فتره سويت بحث بالنت لافضل مستشفيات الرياض ولقيت ناس كثير تسب مستشفى اليمامه وخوفوني منه مامدحوه ابد ولاكن حضي رجعني له رفضت المستشفيات الخاصه تستقبلني علشان وضعي صعب رجعت لليمامه وانا خايفه وحالتي حاله لان ماعندي خيار ثاني وبانزل لكم تجربتي مع هذا المستشفى بكل صدق وامانه لانهم ضالمينه كثير
اولا دخولي مع الطواري وهو الشي الوحيد الصعب والمتعب لاكن مجرد ماتدخلين خلاص ترتاحين جلست يمكن ساعتين انتظر بالطواري عشان يجي دوري لي عوده
2دخلت الطواري وشفت اهتمامهم وعنايتهم يالله فوق المستوى المطلوب وحنونات وكمان البنات السعوديات في منتهى الادب والاخلاق ولا يهونون الاجانب والله اهتمام وعنايه ولما عطوني تنويم ويطلعوني فوق ويسولفون معك ويبتسون في وجهك ويذكرونك ب الله والله انا تفاجات كاني في مستشفى خاص لما رحت التنويم الغرفه فيها كرسيين انا وجارتي اتسلى انا واياها والسسسترلت كل شوي داخلين قياس ضغط حراره نبض الجنين ودورات المياه نظافه وتفتح النفس نظيفه وكل شوي ينظفونها وفيها المويه الحاره والمناديل والصابون ولما تعبت انا والجنين كثير قررو لي عمليه عشان الجنين مايتعب اكثر والسعوديات معاكي وبجنبك يذكرونك بالله ويبتسمون في وجهك الله يوفقهم ويبارك فيهم واغراضك وين ماتروحين يشيلونها لك ويغلفونها في اكياس ويحطون عليها استيكر فيه اسمك ماضاع مني ولاغرض بعد العمليه طبعا مجرد مادخل الابره بايدي ماحسيت بنفسي لين انتهت العمليه رحت التنويم وطقلي بالحاضنه مهتمين فيني اهتمام لين طلعت من المستشفى واكلهم منوع ولذيذ انا صراحه لو امدح فيهم من اليوم الي بكره ماراح اوفيهم حفهم واضح بان عليهم رقابه شديده والمرحله الاخيره لما طلعت من المستشفى جلست اربع ايام كنت ارجع لزياره طفلي بالحاضنه مهتمين فيه كثير والحمد لله وكل الحريم اللي قابلتهم يمدحون فيه صراحه بدون اي تعب واللي محتاره فين تولد اقول لها روحي اليمامه ورح تدعين لي من وجهه نظري المستشفى ممتاز والناس تختلف
ماريا2010 @marya2010
محررة
يلزم عليك تسجيل الدخول أولًا لكتابة تعليق.
بنت العييري
•
قال تعالى : ( ومن يعمل من الصالحات من ذكر أو أنثى وهو مؤمن فأولئك يدخلون الجنة ولا يظلمون نقيرا)ا
هلا انا جربته قبل ثلاث سنين صح نظيف اكثر من مدينه فهد لانه قعد فيه اسبوع على امل اولد طبيعي بعد الاسبوع رحت لمدينه فهد ولد قيصري وسبب البنت قاعده السي فيه دكتور اسمر يلعب بالحريم قسم باالله شي وش يسوي ينزل الحريم لغرفه الولاده وهي توه وحده معي وزن البيبي كيلو ونص بالثامن ونزله وانا ماكان معي اوجاع ونزلني وبعدالاسبوع طلعت على مساوليتي تعبت ثم نزل مويه خضراء تكرمون خفت لاتكون تبرزت دخلوني عمليه يوم جت الساعه تسع بالليل قالو قفلنا العمليه نوديك تنويم وبكرا نشوف رحت التنويم دقيت على زوجي اصيح خلاص مالي قعده راقيه نزله ماني محقل تجارب حتى سالت ابي اطلع وارجع ويتغير الدكتور قالو لا معامله مره سيئه ابي تكلم معه يهاوش تقبل بزر مافيه ابد اسلوب طلعت وفتحت ملف بمدينه فهد
الصفحة الأخيرة