مستشفى جامعة الملك عبدالعزيز الله لايسامحهم

مثل ماانتم شايفين العنوان والله يابنات وياامهات احذركم من هذا المستشفى نهائي من ماعانيت منه وهذي قصتي
ولدت فيه بولدي الثاني في السابع وماانكر ان الحمدلله قمت بالسلامة طبعاً عمليه وولدي في الحضانه والله والله مافيه عنايه ولانظافه في الطفل وبعدها بكم سنه ولدت فيه كمان وربي كتب لي هذا الشي الا ماودي كنت رحت لهم لي يومين في التاسع ورحت اكشف من الم اعلى بطني جات الدكتوره وانا في الطواري واشرح لها تعبي تقوم تقول للمرضات واللي يجيني وين اخليها وهذي هنا ع طول نوموني رغم قبل كذا رحت لخاص ماقالوا ولا سوو باللي شفته منهم الله لايسامحهم المهم طلعت فوق عطوني ملابس التنويم سدحوني جات 2سعوديات وحده متلثمه والثانيه كاشفه كشفو عليه وفتحت لي الرحم بيدها وانا اصلاً ماعندي اعراض ولاده بمعنى سوت لي تحريض من غير هذا كله والله والله عذبوني ويسوون لي حركات مال امها داعي الوسخات المهم هيا توسع لي الرحم وانا اصيح وهيا تصيح عليه تقولي اسكتي فالنهايه تقولي تبغي عمليه او طبيعي قلت اكيد طبيعي قالت اصبري وراح اسويلك تحريض ومن غبائي اقولها وانتي كمان اصبري على صياحي المهم ماتحملت قلت خلاااااااااص ابغى عمليه بس ولاتعذبوني تخيلو كل وحده تقول انا بسوي لها كانها تجربه في ارواح الناس واستسلمت وسويت العمليه وغييييير هذا كله ولدي تعذب بالحضانه يجيبونه عندي من اليوم الثاني يقولو نظفيه ورضعيه وانا مقدر اتحرك ومره زوجي جاء وشافني تعبانه يقول ماراح امشي لين ياخذون الطفل الحضانه وكلم وغصب بالقوه جو بعد ماعصب زوجي ع الفلبينيه والله شافت اسم الطفل وفي قلبها والله والله مارضعته ولاغيرت له وجاني بعد نص يوم جوعان وهزيل وحفاضته فيه براز وانتم بكرامه لاصق فيه وواضح له فتره ولاهيا اللي جابته لي تطالع فيه من بعيد ووكلت وحده تجيبه لي قلك زعلانه بس وربي تعبي منهم يهون على ماشفت ولدي تعذب وعذبته الله لايوفقها ولايسامحها والله ينتقم لي منهم عاجلا غير اجل وطلعت على مسؤوليتي واليوم الثاني طلعت الطفل على مسؤوليتي والمسؤوله عن الحضانه تقولي اكتبي سبب الخروج قلت كل اللي بقلبي مايعبي ذا الورقه وقلت لها ع السريع كله من ذي الله لايوفقها طبعا المشرفات ع الحضانه مايدرون وين الله قاطهم مشرفات ع الطل
وكل عذا واحس ماقلت لكم شي من معاناتي بس احذررررررركم كل الحذر منهم والله الى الان لو بلاقي فرصه اشكي منهم ماراح اتردد ابد بس المشكله محد بيدي وقلت مافيه الا ذا المنتدى يبرد خاطري فيهم ولو شويه بس
نصيحة من اخت محبه لكم احذرو منهم والله يلعبون بارواح المسلمات من تجارب وغيره