مساء الخير حبوبات عالم حـواء ..
فتشت بالمنتدى عن تجارب إيجابية لهـذا المستشفى الممتاااااز (بالنسبه لمستشفى حكومي) بس مالقيت .. طبعا أنا عنـدي بنتين وحدة عمرها 9 سنين ... والثانية 5 شهور .. والآن حامل بشهرين (الله يسهلي ويسهل للجميع ويرزق كل محروم ومحرومة) ..
وراح أقولكـم عن تجربتي مع المستشفى واللي فرق عليا بالولادة الأولى والثانية ..
ببنتي الأولى .. راجعت عندهم من البداية طبعا بواسطة دخلت مراجعاتهم كانت كل شهر .. كنت اروح فرحانة واخرج ابكي من معاملة الممرضات وكنت اشيل هم المراجعات كثييييير .. المهم جات ولادتي وجيتهم كانت معاملتهم وقتها عادية .. طبعا أشرف على ولادتي دكتور سعودي والقابلة هندية .. القابلة كان أسلوبها سيء جدا .. وطبعا كشفوا عليا قبله اثنين اطباء رجال .. وقتها ماأحد سألني عادي رجال يكشف عليكي والا لا .. ماانتبهت له الا وهو داخل عليا ..المهم ولدت على طوول ماطولت .. وبعدها زبطوا سرير الولادة وجلسوني بغرفة الولادة وقالوا مافي سرير برا .. الكلام هذا 7 المغرب .. بيني وبينكم انا ارتحت بغرفة الولادة عندي حمام خاص فيا ونظييييفة وهدووووء وماجابولي البنت الا صباح ثاني يوم .. جلست دقايق واخذوها ... وخرجت الساعه 11 الصبح .. ماكانت الخياطة حلوة وكمان اللي خيطلي رجال سعودي .. يعني بالولادة اتكشفت على 4 رجال سعوديين .. اما بولادة بنتي الثانية مررره تغير المستشفى .. طبعا انا ماراجعت عندهم ولا كنت ناوية اولد عندهم اصلا كنت اراجع بين فترة وفترة بالمستوصفات ومو عارفه فين اولد .. دخلت التاسع وكنت خاااايفة انه البنت يكون فيها شيء لا سمح الله لأني ماكنت متابعة بالحمل بإنتظام .. ولا آخذ فيتامينات .. وشلت هم يكون فيها شيء ونحتاج حضانة ومصاااريف .. قلت بأولد بالجامعة .. رحت لهم طواريء بنص الثامن عشان كان عندي خفقان قوي .. طبعا زحمة وانتظار ممل .. لكن بالنهاية سوولي تخطيط قلب وتحليل وظائف الكلي لأن كان عندي ألم خفيف فيها وماقصروا الصراحه .. وقالولي الكلى عندك ممتازة بس عندك فقر دم .. وكتبلي حديد وكالسيوم .. وسألت الدكتور عن الولادة لو جيتهم يولدوني وانا مو مراجعة عندهم قالي إذا كان الرحم مفتوح 5 سم وفوق نولدك .. تطمنت وتوكلت على الله اني أجيهم لاجات الولادة .. بعدين طوووولت أخذت من العاشر 15 يوم مااحس بطلق ولا بشيء من علامات الولادة قلت أروح أشوف الوضع ايش رحت طواريء قلت عندي الم خفيف طبعا ماكان فيا شيء بس أبغى أعرف إذا الرحم مفتوح والا لا ... جاتني سعودية كشفت قالت مفتوح 2 سم .. رحت من عندهم وشربت زيت خروع زي ماسويت بالولادة الأولى وسبحان الله كيف حمى الطلق والألم عندي .. وثاني يوم جيتهم ع الساعه 4 العصر وكشفوا قالولي 4 سم .. طبعا بنت سعودية اللي كشفت .. قلتلها خلاص دخلوني ولادة ماعاد فيا من الألم .. راحت ورجعت قالت ماتقدري تروحي مستشفى ثاني مافي سرير ... قلتلها مااقدر اتحرك من الالم وانا ليا ملف عندكم وطلعوني غرفة الولادة .. اول مادخلت لقيت قابلة طييييبة فلبينية ودكتورة سعودية .. جهزوني للولادة .. طووولت مرره الين فتح 6 بس واضطروا يدوني طلق صناعي .. وولدت الحمدلله الساعه 12 بالليل .. والحمدلله كانت ولادة حلوة وميسرة القابلات كل وحده أحسن من الثانية الطبيبات سعوديات يرفعوا الراس والله بأخلاقهم وأمانتهم .. وطبعا خيطتني سعودية برضو .. وربي يسعدهم قد ماأقول في تعاملهم الراقي ماأوفيهم حقهم .. وبعدها خرجت بعد ساعتين من قسم الولادة ورحت غرف المرضى كان جنبي وحدة مصرية .. الغرفة نظيفة وعندك كل شيء تحتاجيه من فوط نسائية وكلوتات .. جابوا البنت عندي وقت الزيارة .. والصباح شويه ومارضيوا يخرجوها الا بعد 24 ساعه عشان يطمنوا عليها وعليا .. وبكل الولادة ماكشف عليا رجال بس في واحد استئذنوني انو يدخل ودخل شاف الملفات وخرج ..
المستشفى تطووور كثير .. وبرأيي إنه ممتاز بالنسبة لمستشفى حكومي ومو الكل يقدر ع الخاص .. ياليت كل مستشفياتنا الحكومية تكون بالشكل هذا ..
آسفة ع الإطالة ... وأي إستفسار تفضلوا ..
Rana 7rb @rana_7rb
عضوة نشيطة
يلزم عليك تسجيل الدخول أولًا لكتابة تعليق.
انا تنومت مع بنتي فيه مو للولاده بس كانت تعبانه
روووووووووووووووووووعه قليله فيه ولا توفيه حقه
مستشفى راقي جدا من جميع النواحي
روووووووووووووووووووعه قليله فيه ولا توفيه حقه
مستشفى راقي جدا من جميع النواحي
انا تعودت ماعاد ابي اولد الا فيه سبحان الله ارتاح فيه وكل شئ متوفر عندهم وسهولة الولاده وصعوبتها بيد الله سبحانه مو بيد احد
الصفحة الأخيرة
على حسب الطاقم المناوب من دكاترة وقابلات وممرضات
عموما الحمدلله على سلامتك