مستشفى خاص ولا حكومي << اللي مجربين الإتنين خصوصا يتفضلو

السلام عليكم ورحمة الله

بنات أنا بشهري ,, وعندي بنت ولدتها بالخاص بجده (فقيه)
تعبت مرره فيها صحيح الدكتوره فيها غشامه بس أحس الجزء الأكبر قدر

كان المتوقع أنزل جده وأولد هناك عند أهلي بس أهلي نزلولي المدينه ومدري متى بطلع
فيمكن تجيني الولاده وأنا بالمدينه
حملي دا تابعتو بخاص ولما تعبت مره وصارت زياراتي للمستشفى شبه يوميه من التعب اللي يصير لي
صرت أزور الحكومي ,,
واللي لا حظتو تعاملهم متعب نفففففسيا من ناحية الإهتمام وأسلوب الكلام والخصوصيه في الكشف أبدا مو مريحين
أحيانا كنت أبكي منهم لأنو فوق تعبي النفسي والجسدي تعبت من تعاملهم
وبآخر شهر اللي هو دحين رجعت لدكتورتي لأني خفت من الحكومي وأبغا أولد بالخاص لأنهم يسمحو ماما تدخل معايا
مو زي الحكومي ومابأذني ماي ع قولتهم
بس مدري دحين ليه جاني إحساس وتردد وصرت أفكر أولد بالحكومي يمكن الماده أكتر شئ
وقلت أسألكم أكيد ما حتردوني ,, خصوصا اللي جربو الإثننين
أبغا أعرف كيف تعاملهم لما تولدي ولو تعبتي بالولاده وأسلوبهم لأنو فيه قالولي إنهم يتنرفزو عليكي
وممكن تمد يدها لما تتعصب منك لو تصارخي وكدا وإيش حطولك بالولاده
يعني يعطو البنج والكمامات ولا لأ ,, وهزة الرجل لما يخرج الراس حسيتو فيها ولا لأ
باللهي بنات إيش أحسن الولاده بالخاص ولا الحكومي ,,أنتظركم
وربي يرزق كل حامل خصوصا اللي تفيدني ساعه سهله ,, ويعطي المحرومه ويقر عينها بأطفال ياارب